തൃശൂർ: സി.പി.എമ്മിന്‍റെ സെൽ ഭരണത്തിലും തിരുവനന്തപുരത്ത് സെക്രട്ടേറിയറ്റ് മാർച്ചിന് നേരെ നടത്തിയ പൊലീസ് ലാത്തിച്ചാർജിലും പ്രതിഷേധിച്ച് കെ.എസ്.യു തൃശൂരിൽ ഐ.ജി ഓഫീസിലേക്ക് നടത്തിയ മാർച്ചിൽ സംഘർഷം. വിദ്യാർഥികൾ അക്രമാസക്തരായതിനെ തുടർന്ന് പൊലീസ് ലാത്തിച്ചാർജ് ചെയ്തു. ജില്ലാ പ്രസിഡണ്ട് അടക്കമുള്ളവർക്ക് പരിക്കേറ്റു.
രാവിലെ പതിനൊന്നോടെയാണ് കെ.എസ്.യു പ്രവർത്തകർ പ്രകടനമായി ഐ.ജി.ഓഫീസിന് മുന്നിലെത്തിയത്. ഓഫീസിന് നൂറ് മീറ്റർ അകലെയായി അസിസ്റ്റന്‍റ് കമീഷണർ കെ.പി.ജോസിന്‍റെ നേതൃത്വത്തിൽ തടഞ്ഞു. ബാരിക്കേഡ് തകർത്തു് ഓഫീസിലേക്ക് തള്ളിക്കയറാനുള്ള പ്രവർത്തകരുടെ ശ്രമം പൊലീസ് തടഞ്ഞു. മാർച്ച് അക്രമത്തിലേക്ക് തിരിഞ്ഞതോടെയാണ് പൊലീസ് ലാത്തിവീശിയത്. ജില്ലാ പ്രസിഡണ്ട് ശോഭാ സുബിൻ അടക്കമുള്ള പത്തോളം പേർക്ക് ലാത്തിവീശലിൽ പരിക്കുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.