തിരുവനന്തപുരം: വരുന്ന നിയമസഭാ തെരഞ്ഞെടുപ്പിൽ പിണറായി വിജയന് മത്സരിക്കുകയാണെങ്കില് താന് മത്സരിക്കില്ലെന്ന് സി.പി.എം കേന്ദ്ര നേതൃത്വത്തെ അറിയിക്കുമെന്ന വാര്ത്ത ശരിയല്ലെന്ന് പ്രതിപക്ഷനേതാവ് വി.എസ് അച്യുതാനന്ദന്. ചില മാധ്യമങ്ങളില് ഇതുസംബന്ധിച്ച് വന്ന വാര്ത്ത തികച്ചും വസ്തുതാവിരുദ്ധമാണെന്നും വി.എസ് പ്രസ്താവനയില് അറിയിച്ചു.
ഇപ്പോള് യാതൊരു പ്രസക്തിയുമില്ലാത്ത ഇത്തരമൊരു വാര്ത്ത പ്രചരിപ്പിക്കുന്നത് ബോധപൂര്വ്വം പാര്ട്ടി ശത്രുക്കളെ സഹായിക്കാന് വേണ്ടിയാണെന്ന് സംശയിക്കേണ്ടിയിരിക്കുന്നു. പാര്ട്ടിയും എല്.ഡി.എഫും ഒറ്റക്കെട്ടായി അടുത്ത നിയമസഭാ തെരഞ്ഞെടുപ്പിനെ നേരിടും. മുന്നണി വന് ഭൂരിപക്ഷത്തോടെ അധികാരത്തില് വരുമെന്നും വി.എസ് വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.