കോഴിക്കോട്: മുഖ്യമന്ത്രി ഉമ്മൻചാണ്ടി കാന്തപുരം എ.പി അബൂബക്കർ മുസ് ലിയാരുമായി കൂടിക്കാഴ്ച നടത്തി. കാരന്തൂർ മർകസിലായിരുന്നു കൂടിക്കാഴ്ച. മുഖ്യമന്ത്രിയുടെ വിശ്വസ്തനായ ടി. സിദ്ധീഖ് ജനവിധി തേടുന്ന കുന്ദമംഗലം മണ്ഡലത്തിലെ വോട്ടുകൾ ഉറപ്പാക്കുകയാണ് സന്ദർശന ലക്ഷ്യമെന്നാണറിയുന്നത്. കൂടാതെ മറ്റു മണ്ഡലങ്ങളിലും എ.പി വിഭാഗത്തിൻെറ പിന്തുണ ഉറപ്പാക്കുക ഉമ്മൻചാണ്ടിയുടെ ലക്ഷ്യമാണ്.
എന്നാൽ സന്ദർശനത്തിൽ രാഷ്ട്രീയമില്ലെന്ന് ഉമ്മൻചാണ്ടി പ്രതികരിച്ചു. സൗഹൃദ സന്ദർശനം മാത്രമാണ് നടന്നത്. കോഴിക്കോട് എത്തുമ്പോൾ ഇവിടെ വരിക പതിവാണെന്ന് പറഞ്ഞ മുഖ്യമന്ത്രി സർക്കാറിൻെറ മദ്യനയത്തിൽ മാറ്റമുണ്ടാകില്ലെന്ന് വ്യക്തമാക്കി. മുഖ്യമന്ത്രിയുടെ സന്ദർശനത്തിൽ രാഷ്ട്രീയമായ ചർച്ചകൾ നടന്നിട്ടില്ലെന്ന് കാന്തപുരം എ.പി അബൂബക്കർ മുസ് ലിയാരും പ്രതികരിച്ചു. ടി. സിദ്ധീഖും മുഖ്യമന്ത്രിയുടെ കൂടെയുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.