ചവറ: ചവറ കന്നേറ്റിക്കായലിൽ ചൊവ്വാഴ്ച കാണാതായ രണ്ട് പേരുടെ മൃതദേഹം കണ്ടെത്തി. പാരിപ്പള്ളി സ്വദേശി വിജയന്‍റെയും കുളത്തൂർ എന്ന ആളിന്‍റെയും മൃതദേഹമാണ് അഗ്നിശമന സേനയും പൊലീസും നാട്ടുകാരും നടത്തിയ തിരച്ചിലിൽ കണ്ടെത്തിയത്.
ചൊവ്വാഴ്ച വൈകീട്ട് 3.15 ഓടെയാണ് പള്ളിക്കലാറിന്‍റെ തെക്കെക്കരയിൽ നീന്തി കുളിക്കുന്നതിനിടെ ശൗചാലയ ശുചീകരണ തൊഴിലാളികളായ മൂന്നുപേരെ കാണാതായത്. ഇതിൽ തിരുവനന്തപുരം സ്വദേശി ജലാൽ നീന്തി രക്ഷപ്പെട്ടു. കുളിക്കുന്നതിനിടെ വിജയനും കുളത്തൂരും മുങ്ങിത്താഴുകയായിരുന്നു.
ജലാൽ നൽകിയ വിവരമറിഞ്ഞെത്തിയവർ കാണാതായവർക്കായി തിരച്ചിൽ നടത്തിയെങ്കിലും കണ്ടെത്താൻ സാധിച്ചിരുന്നില്ല. കരുനാഗപ്പള്ളിയിൽ നിന്നെത്തിയ അഗ്നിശമന സേനാ വിഭാഗവും ചവറ, കരുനാഗപ്പള്ളി പൊലീസും രാത്രി വൈകിയും തിരച്ചിൽ തുടർന്നിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.