ന്യൂഡൽഹി: തെരഞ്ഞെടുപ്പിലെ വിജയത്തിന് പിന്നാലെ പ്രധാനമന്ത്രി നരേന്ദ്ര മോദി നാളെ സ്വന്തം മണ്ഡലമായ വാരാണസി സ ന്ദർശിക്കും. ഇന്ന് വൈകീട്ട് ഗുജറാത്തിലെത്തി മോദി അമ്മയെ കണ്ട ശേഷമായിരിക്കും വാരാണസിയിലേക്കുള്ള യാത്ര. ഞായറാഴ്ച വൈകീട്ട് അഞ്ച് മണിയോടെ മോദിയും ബി.ജെ.പി ദേശീയ അധ്യക്ഷൻ അമിത് ഷായും ഗുജറാത്തിലെത്തും.
അമ്മയെ സന്ദർശിച്ചതിന് ശേഷം ഇന്ന് രാത്രി തന്നെ മോദി ഡൽഹിയിലേക്ക് മടങ്ങും. വാരാണസിയിലെത്തുന്ന മോദി കാശി വിശ്വനാഥ ക്ഷേത്രത്തിൽ ദർശനം നടത്തും. തന്നെ ജയിപ്പിച്ച ജനങ്ങളോട് നന്ദിയറിക്കുന്നതിനായാണ് വാരാണസിയിൽ എത്തുന്നതെന്ന് മോദി ട്വീറ്റ് ചെയ്തിട്ടുണ്ട്.
മെയ് 30നായിരിക്കും പ്രധാനമന്ത്രിയായി നരേന്ദ്രമോദി സത്യപ്രതിജ്ഞ ചെയ്ത് അധികാരമേറ്റെടുക്കുക. കഴിഞ്ഞ ദിവസം നടന്ന എൻ.ഡി.എ യോഗം മോദിയെ പാർലമെൻററി പാർട്ടി നേതാവായി തെരഞ്ഞെടുത്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.