ഞൊടിയിടയിൽ ഒരു ബാങ്ക് കവർച്ച

ചാ​ല​ക്കു​ടി: പോ​ട്ട​യി​ലെ ഫെ​ഡ​റ​ൽ ബാ​ങ്ക് ക​വ​ർ​ച്ച​യി​ൽ ന​ഷ്ട​പ്പെ​ട്ട തു​ക മ​റ്റ് ക​വ​ർ​ച്ച​ക​ളു​മാ​യി താ​ര​ത​മ്യം ചെ​യ്യു​മ്പോ​ൾ അ​ത്ര വ​ലു​ത​ല്ലെ​ങ്കി​ലും ബാ​ങ്ക് ക​വ​ർ​ച്ച​യി​ലെ അ​നാ​യാ​സ​ത പൊ​ലീ​സി​നെ അ​മ്പ​ര​പ്പി​ക്കു​ന്നു. ഉ​ച്ച​ക്ക് ര​ണ്ടോ​ടെ മോ​ഷ്ടാ​വ് സ്കൂ​ട്ട​റി​ലെ​ത്തി ബാ​ങ്കി​നു​ള്ളി​ൽ ക​ട​ന്ന് കാ​ബി​ൻ വാ​തി​ൽ ത​ക​ർ​ത്ത് 15 ല​ക്ഷം രൂ​പ കൈ​ക്ക​ലാ​ക്കി കേ​വ​ലം മൂ​ന്ന് മി​നി​റ്റു​ക​ൾ​ക്കു​ള്ളി​ൽ ര​ക്ഷ​പ്പെ​ടു​ക​യാ​യി​രു​ന്നു.

നേ​ര​ത്തേ ബാ​ങ്കി​ലെ സാ​ഹ​ച​ര്യ​ങ്ങ​ൾ നി​രീ​ക്ഷി​ച്ച് മ​ന​സ്സി​ലാ​ക്കി​യ വ്യ​ക്തി​യാ​യി​രി​ക്ക​ണം മോ​ഷ്ടാ​വെ​ന്നാ​ണ് പ്രാ​ഥ​മി​ക നി​ഗ​മ​നം. ബാ​ങ്ക് ജീ​വ​ന​ക്കാ​ർ ഭ​ക്ഷ​ണം ക​ഴി​ക്കാ​ൻ പി​ൻ​വ​ശ​ത്തെ മു​റി​യി​ൽ പോ​കു​ന്ന സ​മ​യം കൃ​ത്യ​മാ​യി ഇ​യാ​ൾ ക​ണ​ക്കു​കൂ​ട്ടി​യി​രു​ന്നു. ര​ണ്ട് മു​ത​ൽ 2.30 വ​രെ​യാ​ണ് ഉ​ച്ച​ഭ​ക്ഷ​ണ സ​മ​യം. ചാ​ല​ക്കു​ടി ന​ഗ​ര​ത്തി​ൽ ഫെ​ഡ​റ​ൽ ബാ​ങ്കി​ന് വേ​റെ​യും ര​ണ്ട് ശാ​ഖ​ക​ളു​ള്ള​തി​നാ​ൽ ഉ​പ​ഭോ​ക്താ​ക്ക​ളു​ടെ തി​ര​ക്ക് അ​ത്ര​യൊ​ന്നും പോ​ട്ട ബ്രാ​ഞ്ചി​ൽ ഉ​ണ്ടാ​വാ​റി​ല്ല. ഉ​ച്ച​ഭ​ക്ഷ​ണ സ​മ​യ​ത്ത് പ്യൂ​ൺ അ​ല്ലാ​തെ ബാ​ങ്കി​ന​ക​ത്ത് ആ​രു​മു​ണ്ടാ​വി​ല്ലെ​ന്നും മോ​ഷ്ടാ​വ് മ​ന​സ്സി​ലാ​ക്കി​യി​രു​ന്നു.

ക​വ​ർ​ച്ച​ക്ക് മ​റ്റാ​രെ​യും കൂ​ട്ടാ​തെ​യാ​ണ് ഇ​യാ​ളെ​ത്തി​യ​ത്. ആ​രു​ടെ​യും ചോ​ര ചി​ന്താ​തെ​യാ​ണ് പ​ണം ക​വ​ർ​ന്ന​ത്. ര​ക്ഷ​പ്പെ​ടാ​ൻ മി​ക​ച്ച ഒ​രാ​യു​ധം പോ​ലും ഇ​യാ​ളു​ടെ കൈ​വ​ശ​മു​ണ്ടാ​യി​രു​ന്ന​താ​യി സൂ​ച​ന​യി​ല്ല. വെ​റും ഒ​രു ക​റി​ക്ക​ത്തി കാ​ട്ടി ഭ​യ​പ്പെ​ടു​ത്തി​യാ​ണ് ക​വ​ർ​ച്ച ന​ട​ത്തി​യ​ത്.

ബാ​ങ്കി​ലെ കാ​ഷ് കൗ​ണ്ട​റി​ൽ 47 ല​ക്ഷം രൂ​പ​യു​ള്ള​തി​ൽ 15 ല​ക്ഷം രൂ​പ മാ​ത്ര​മേ മോ​ഷ്ടാ​വ് എ​ടു​ത്തു​ള്ളൂ. അ​ഞ്ച് ല​ക്ഷം രൂ​പ വീ​തം വ​രു​ന്ന മൂ​ന്ന് കെ​ട്ടു​ക​ൾ. എ​ല്ലാം എ​ടു​ക്കാ​തി​രു​ന്ന​ത് ര​ക്ഷ​പ്പെ​ടാ​നു​ള്ള തി​ടു​ക്ക​ത്തി​ലാ​ക​ണം. അ​ത്ര മാ​ത്ര​മേ അ​യാ​ളു​ടെ കൈ​വ​ശ​മു​ള്ള ബാ​ഗി​ൽ വെ​ക്കാ​നാ​വൂ എ​ന്ന​തി​നാ​ലു​മാ​വാം. ഇ​യാ​ൾ​ക്കൊ​പ്പം സ​ഹാ​യി​ക​ൾ എ​വി​ടെ​യെ​ങ്കി​ലും ഉ​ണ്ടാ​യി​രു​ന്നോ​യെ​ന്ന് അ​ന്വേ​ഷി​ച്ചു​വ​രു​ന്നു.

മോ​ഷ്ടാ​വി​ന്റെ ദൃ​ശ്യ​ങ്ങ​ൾ ബാ​ങ്കി​ന്റെ കാ​മ​റ​ക​ളി​ൽ പ​തി​ഞ്ഞി​ട്ടു​ണ്ട്. നാ​ല് കാ​മ​റ​ക​ളി​ൽ നി​ന്നാ​യാ​ണ് ദൃ​ശ്യ​ങ്ങ​ൾ കി​ട്ടി​യ​ത്. ഒ​ന്ന് മോ​ഷ്ടാ​വ് ബാ​ങ്കി​നു പു​റ​ത്ത് വ​രു​ന്ന രം​ഗ​മാ​ണ്. മ​റ്റൊ​ന്ന് ജീ​വ​ന​ക്കാ​ര​നെ മു​റി​യി​ലാ​ക്കു​ന്ന​താ​ണ്. പി​ന്നീ​ട് പ​ണ​മെ​ടു​ത്ത ശേ​ഷം ര​ക്ഷ​പ്പെ​ടു​ന്ന​തും. ബാ​ങ്ക് അ​ധി​കൃ​ത​ർ ഇ​ത് പൊ​ലീ​സി​ന് കൈ​മാ​റി​യി​ട്ടു​ണ്ട്. ഇ​തി​ൽ ഒ​ന്നി​ലും മോ​ഷ്ടാ​വി​നെ തി​രി​ച്ച​റി​യാ​ൻ സാ​ധി​ക്കി​ല്ല.

പ്രതി ഉടൻ പിടിയിലാകും -എസ്.പി

പോ​ട്ട​യി​ലെ ഫെ​ഡ​റ​ൽ ബാ​ങ്ക് ശാ​ഖ​യി​ൽ ക​വ​ർ​ച്ച ന​ട​ത്തി​യ​യാ​ൾ ഉ​ട​ൻ പി​ടി​യി​ലാ​കു​മെ​ന്ന് റൂ​റ​ൽ എ​സ്.​പി അ​ശോ​ക് കു​മാ​ർ. അ​ന്ത​ർ സം​സ്ഥാ​ന ബ​ന്ധ​മു​ണ്ടോ​യെ​ന്ന സം​ശ​യ​ത്താ​ൽ അ​ത്ത​രം സ്ഥ​ല​ങ്ങ​ളു​മാ​യി ബ​ന്ധ​പ്പെ​ട്ട മേ​ഖ​ല​യി​ൽ വി​വ​രം ന​ൽ​കി​യി​ട്ടു​ണ്ട്. ട്രെ​യി​നി​ൽ ര​ക്ഷ​പ്പെ​ടാ​നി​ട​യു​ണ്ട് എ​ന്ന​തി​നാ​ൽ റെ​യി​ൽ​വേ സ്റ്റേ​ഷ​നു​ക​ളി​ലും തി​ര​ച്ചി​ൽ ന​ട​ത്തു​ന്നു. ബാ​ങ്കി​ൽ വെ​ച്ച് ക​വ​ർ​ച്ച​ക്കാ​ര​ൻ ഹി​ന്ദി​യി​ൽ സം​സാ​രി​ച്ചു എ​ന്ന​തി​നാ​ൽ അ​ന്യ സം​സ്ഥാ​ന​ക്കാ​ര​നാ​ക​ണ​മെ​ന്നി​ല്ല. എ​ന്താ​യാ​ലും പ്ര​ദേ​ശ​ത്ത് മു​ൻ​പ​രി​ച​യ​മു​ള്ള ആ​ളാ​ണെ​ന്ന​തി​ൽ സം​ശ​യ​മി​ല്ല.

അ​യാ​ൾ വ​ന്ന സ്കൂ​ട്ട​റി​ന്റെ ന​മ്പ​ർ മ​റ്റ് സ്ഥ​ല​ങ്ങ​ളി​ലെ സി.​സി ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ച് ക​ണ്ടു​പി​ടി​ക്കാ​ൻ ശ്ര​മി​ക്കു​ന്നു​ണ്ട്. കാ​റി​ലോ മ​റ്റേ​തെ​ങ്കി​ലും വാ​ഹ​ന​ത്തി​ലോ വ​ന്ന​ശേ​ഷം സ്കൂ​ട്ട​റി​ലേ​ക്ക് മാ​റി​ക്ക​യ​റി​യ​താ​ണോ​യെ​ന്നും പ​രി​ശോ​ധി​ക്കു​ന്നു​ണ്ട്. ദേ​ശീ​യ​പാ​ത 544ൽ​നി​ന്ന് ബാ​ങ്ക് ഏ​ക​ദേ​ശം 150 മീ​റ്റ​ർ മാ​ത്രം അ​ക​ലെ​യാ​യ​തി​നാ​ൽ ദേ​ശീ​യ​പാ​ത​യി​ലൂ​ടെ ര​ക്ഷ​പ്പെ​ടാ​നു​ള്ള സാ​ധ്യ​ത മ​ന​സ്സി​ലാ​ക്കി അ​വി​ടെ​യും ക​ർ​ശ​ന പ​രി​ശോ​ധ​ന ആ​രം​ഭി​ച്ചി​ട്ടു​ണ്ടെ​ന്നും എ​സ്.​പി പ​റ​ഞ്ഞു.