റാഞ്ചി: ഝാർഖണ്ഡിലെ ഗ്രാമവാസികൾ പിടികൂടിയ ഈനാംപേച്ചിയെ കാട്ടിൽ തിരികെവിട്ട് ഫോറസ്റ്റ് അധികൃതർ. ലോകത്തു തന്നെ ഏറ്റവും കൂടുതൽ അനധികൃതമായി വിൽപ്പന നടത്തുന്ന ജീവിയാണ് ഈനാംപേച്ചി. ഏഷ്യയിലും ആഫ്രിക്കയിലും കാണപ്പെടുന ്ന ഈനാംപേച്ചി ഇപ്പോൾ വംശനാശ ഭീഷണി നേരിടുന്ന ജീവികളുടെ പട്ടികയിലാണ്.
ഝാർഖണ്ഡിലെ രംഗാചപഡ് ഗ്രാമവാസികൾ വയലിൽനിന്നുമാണ് ഇതിനെ പിടികൂടിയതെന്ന് യുനൈറ്റഡ് ന്യൂസ് ഓഫ് ഇന്ത്യ റിപ്പോർട്ട് ചെയ്യുന്നു. ഈനാംപേച്ചിയെ പിടികൂടിയതറിഞ്ഞ ഒരു സംഘം ആളുകൾ സമീപത്തെ പൊലീസ് സ്റ്റേഷനിലെത്തി വിവരം അറിയിക്കുകയായിരുന്നു.
The most trafficked mammal, next only to humans is rescued at Jamtara district of Jharkhand.
— Susanta Nanda IFS (@susantananda3) April 20, 2020
This animal is severely stressed. But all rescues are to be videographed before shifting them to safety. The times we live pic.twitter.com/stCfsBNc3w
ഇന്ത്യൻ ഫോറസ്റ്റ് സർവിസിലെ സുസാന്ത നന്ദ എന്ന ഉദ്യോഗസ്ഥനാണ് ഗ്രാമവാസികളിൽ ഒരാൾ ഈനാംപേച്ചിയുടെ വാലിൽ പിടിച്ച് നിൽക്കുന്ന വിഡിയോ പുറത്തുവിട്ടത്. ‘‘ഈ ജീവി കഠിനമായ പ്രയാസം അനുഭവിക്കുന്നുണ്ട്. എങ്കിലും ജീവിയെ രക്ഷപ്പെടുത്തുന്ന ദൃശ്യങ്ങളെല്ലാം വിഡിയോയിൽ പകർത്തണം. കാരണം നമ്മൾ ജീവിക്കുന്ന കാലമിതായതിനാൽ തന്നെ’ അദ്ദേഹം വിഡിയോയുടെ അടിക്കുറിപ്പായി പങ്കുവെച്ചു. ഗ്രാമവാസികളിൽനിന്നും രക്ഷപ്പെടുത്തിയ ഈനാംപേച്ചിയെ ഫോറസ്റ്റ് വിഭാഗം വനത്തിൽ ഉപേക്ഷിച്ചു.
ആഫ്രിക്കയിലും ഏഷ്യയിലും കാണപ്പെടുന്ന ഈനാംപേച്ചിയെ വൻതോതിൽ വിൽപ്പന നടത്തുന്നുണ്ട്. മരുന്നിനുവേണ്ടിയും ഇറച്ചിക്കുവേണ്ടിയും ഇവ ഉപയോഗിക്കുന്നു. വൻ വിലയാണ് ഇൗനാംപേച്ചിക്ക് ഈടാക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.