ലഖ്നോ: കേസുമായി മുന്നോട്ട് പോയാൽ ഉന്നാവിൽ സംഭവിച്ചതിനെക്കാൾ ഭീകരമായിരിക്കും അവസ്ഥയെന്ന് ബലാത്സംഗ ഇരയ്ക്ക് ഭീഷണി. പശ്ചിമ യു.പിയിലെ ഭാഗ്പതിലാണ് ഇരയായ യുവതിയുടെ വീടിനുമേൽ ഭീഷണി പോസ്റ്റർ പതിച്ചത്. ബലാത്സംഗക്കേസിൽ അറസ്റ്റിലായ പ്രതി ജാമ്യത്തിലിറങ്ങിയ ദിവസമാണ് ഭീഷണി നോട്ടീസ് പതിച്ചിരിക്കുന്നത്. ഉന്നാവിൽ ബലാത്സംഗക്കേസിലെ പ്രതികൾ ചേർന്ന് തീകൊളുത്തിയ പെൺകുട്ടി മരിച്ചതിന് പിന്നാലെയാണ് ഇത് ആവർത്തിക്കുമെന്ന ഭീഷണി.
കഴിഞ്ഞ വർഷമാണ് ഡൽഹിയിലെ മുഖർജീ നഗറിൽ വെച്ച് പ്രതിയായ സോറൻ സിങ് മയക്കുമരുന്ന് നൽകി യുവതിയെ ബലാത്സംഗത്തിനിരയാക്കിയത്. സംഭവത്തിന്‍റെ വീഡിയോ ദൃശ്യം പകർത്തിയ പ്രതി ഇത് കാണിച്ച് ഭീഷണിപ്പെടുത്തി ബ്ലാക്ക്മെയിൽ ചെയ്തിരുന്നു. കഴിഞ്ഞ ജൂലൈയിൽ യുവതി പൊലീസിൽ പരാതി നൽകി. കേസിൽ അറസ്റ്റിലായ പ്രതി കഴിഞ്ഞ ദിവസമാണ് ജാമ്യത്തിലിറങ്ങിയത്.
വെള്ളിയാഴ്ച കോടതിയിൽ മൊഴി നൽകാനിരിക്കെയാണ് കഴിഞ്ഞ ദിവസം യുവതിയുടെ വീട്ടിനു പുറത്ത് ഭീഷണി നോട്ടീസ് പതിച്ചത്. പ്രതിയും കൂട്ടരുമാണ് ഭീഷണിക്ക് പിന്നിലെന്ന് കുടുംബം ആരോപിക്കുന്നു. അതേസമയം, യുവതിക്ക് മതിയായ സുരക്ഷ ഒരുക്കിയിട്ടുണ്ടെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.