ന്യൂഡൽഹി: രാഹുൽ ഗാന്ധി ചിത്രം പങ്കുവെച്ചതിലും ട്വീറ്റ് ചെയ്തതിലും പരാതിയില്ലെന്ന് ഡൽഹിയിൽ പീഡനത്തിനിരയായി കൊല്ലപ്പെട്ട ഒമ്പത് വയസുകാരിയുടെ അമ്മ. രാഹുൽ ഗാന്ധിയുടെ ട്വീറ്റിൽ വിവാദം കൊഴുക്കുന്നതിനിടെയാണ് പെൺകുട്ടിയുടെ രക്ഷിതാക്കളുടെ പ്രതികരണം. പെൺകുട്ടിയുടെ ചിതാഭസ്മം കുടുംബം ഹരിദ്വാറിൽ വെള്ളിയാഴ്ച നിമഞ്ജനം ചെയ്തിരുന്നു. പൊലീസിന്റെ സുരക്ഷയിലാണ് പെൺകുട്ടിയുടെ കുടുംബം ഹരിദ്വാറിലെത്തിയത്.
ആഗസ്റ്റ് നാലിനാണ് രാഹുൽ ഗാന്ധിയുടെ ട്വീറ്റ് പുറത്ത് വന്നത്. പെൺകുട്ടിയുടെ കുടുംബത്തെ സന്ദർശിച്ചതിന് ശേഷമായിരുന്നു ട്വീറ്റ്. പെൺകുട്ടിയുടെ രക്ഷിതാക്കളുടെ ചിത്രവും ഇതിനൊപ്പം പങ്കുവെച്ചിരുന്നു. രക്ഷിതാക്കളുടെ കണ്ണീർ ഇന്ത്യയുടെ മകൾക്ക് നീതി വേണമെന്ന് മാത്രമാണ് പറയുന്നതെന്നായിരുന്നു രാഹുൽ ഗാന്ധിയുടെ ട്വീറ്റ്.
തുടർന്ന് ബാലാവകാശ കമ്മീഷന്റെ നോട്ടീസിനെ തുടർന്ന് ട്വിറ്റർ രാഹുൽ ഗാന്ധിയുടെ അക്കൗണ്ട് ലോക്ക് ചെയ്തിരുന്നു. ട്വിറ്ററിന്റെ നടപടിയെ വിമർശിച്ച് കഴിഞ്ഞ ദിവസം രാഹുൽ ഗാന്ധി രംഗത്തെത്തുകയും ചെയ്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.