ന്യൂഡൽഹി: ചെേങ്കാട്ടയുടെ പടമെടുക്കുന്നതിനിടെ ഇന്ത്യയിലെ യുക്രെയ്ൻ അംബാസഡർ ഡോ. ഇഗോർ പൊലിഖയുടെ െഎ ഫോൺ അജ്ഞാതൻ മോഷ്ടിച്ചു. ബുധനാഴ്ച രാവിലെ ഒമ്പതോടെ ദരിയാഗഞ്ചിൽ പാർക്ക് ചെയ്ത കാറിൽനിന്നിറങ്ങിയ അംബാസഡർ ചെേങ്കാട്ട കാണുന്നതിനിടെ പടം എടുക്കാൻ ശ്രമിക്കുകയായിരുന്നു. നല്ല ആംഗ്ളിലുള്ള ചിത്രം പകർത്താൻ അംഗൂരി ബാഗിലെ റോഡിൽ ചെന്നുനിന്നു. ഇൗസമയത്ത് ഒരു യുവാവ് അദ്ദേഹത്തിനു നേർക്ക് നടന്നുവന്ന് ഫോൺ തട്ടിപ്പറിച്ച് ഒാടുകയായിരുന്നു. അംബാസഡർ പിന്തുടർന്നെങ്കിലും മോഷ്ടാവിനെ പിടികൂടാനായില്ല.
ആഭ്യന്തര മന്ത്രിക്കും ഡൽഹി പൊലീസ് കമീഷണർക്കും അദ്ദേഹം പരാതി നൽകി. ഇതേതുടർന്ന് കോത്വാലി പൊലീസ് സ്റ്റേഷനിൽ കേസ് രജിസ്റ്റർ ചെയ്തു. മോഷ്ടാവിെൻറ രൂപത്തെക്കുറിച്ച് ഇദ്ദേഹം പൊലീസിനോട് പറഞ്ഞിട്ടുണ്ട്. രണ്ടുദിവസത്തിനിടെ നൂറുപേരെ ചോദ്യം ചെയ്തതായി പൊലീസ് പറഞ്ഞു. മോഷ്ടിച്ച ഉടൻ ഫോൺ സ്വിച്ച് ഒാഫ് ചെയ്തിരിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.