ഐക്യദാർഢ്യവുമായി തൃണമൂലും

ന്യൂ​ഡ​ല്‍ഹി: കോ​ൺ​ഗ്ര​സി​ന്റെ ബ​ദ്ധ​വൈ​രി​ക​ളാ​യ പാ​ർ​ട്ടി​ക​ൾ​പോ​ലും രാ​ഹു​ൽ ഗാ​ന്ധി​യെ അ​യോ​ഗ്യ​നാ​ക്കി​യ​തി​നെ​തി​രാ​യ പ്ര​തി​ഷേ​ധ​ത്തി​ൽ ക​റു​പ്പ​ണി​ഞ്ഞ് ഐ​ക്യ​ദാ​ർ​ഢ്യം പ്ര​ക​ടി​പ്പി​ച്ച​തോ​ടെ പ്ര​തി​പ​ക്ഷ ഐ​ക്യം വി​ളി​ച്ച​റി​യി​ച്ച അ​പൂ​ർ​വ​മാ​യ ശ​ക്തി​പ്ര​ക​ട​ന​ത്തി​ന് തി​ങ്ക​ളാ​ഴ്ച പാ​ർ​ല​മെ​ന്റ് സാ​ക്ഷ്യം​വ​ഹി​ച്ചു. ഏ​താ​നും ദി​വ​സം മു​മ്പ് കോ​ൺ​ഗ്ര​സി​നോ​ടും ബി.​ജെ.​പി​യോ​ടും സ​മ​ദൂ​ര സി​ദ്ധാ​ന്തം പ്ര​ഖ്യാ​പി​ച്ച സം​യു​ക്ത പ്ര​തി​പ​ക്ഷ സ​മ​ര​ത്തി​ൽ​നി​ന്ന് വി​ട്ടു​നി​ന്നി​രു​ന്ന തൃ​ണ​മൂ​ൽ കോ​ൺ​ഗ്ര​സ് നി​ല​പാ​ട് മാ​റ്റി ക​റു​പ്പ​ണി​ഞ്ഞ​ത് രാ​ഷ്ട്രീ​യ കേ​ന്ദ്ര​ങ്ങ​ളെ അ​മ്പ​ര​പ്പി​ച്ചു.

കോ​ൺ​ഗ്ര​സി​ന്റെ വൈ​രി​യാ​യ തെ​ല​ങ്കാ​ന​യി​ലെ ച​ന്ദ്ര​ശേ​ഖ​ര റാ​വു​വി​ന്റെ ഭാ​ര​തീ​യ രാ​ഷ്ട്ര​സ​മി​തി എം.​പി​മാ​രും ക​റു​പ്പ​ണി​ഞ്ഞ് പാ​ർ​ല​മെ​ന്റി​ന് അ​ക​ത്തും പു​റ​ത്തും രാ​ഹു​ലി​നാ​യു​ള്ള പ്ര​തി​ഷേ​ധ​ത്തി​ൽ പ​ങ്കാ​ളി​ക​ളാ​യി. കോ​ൺ​ഗ്ര​സി​ന്റെ മ​റ്റൊ​രു വൈ​രി​യാ​യ അ​ര​വി​ന്ദ് കെ​ജ്‌​രി​വാ​ളി​ന്റെ ആം ​ആ​ദ്മി പാ​ർ​ട്ടി​യും ഖാ​ർ​ഗെ വി​ളി​ച്ച ​യോ​ഗ​ത്തി​ലും സ​ഭ​ക്ക​ക​ത്തും പു​റ​ത്തു​മു​ള്ള പ്ര​തി​പ​ക്ഷ പ്ര​തി​ഷേ​ധ​ത്തി​ലും പ​ങ്കെ​ടു​ത്തു.

കോ​ണ്‍ഗ്ര​സ് അ​ധ്യ​ക്ഷ​ന്‍ മ​ല്ലി​കാ​ര്‍ജു​ന്‍ ഖാ​ര്‍ഗെ പ​തി​വു​പോ​ലെ ത​ന്റെ പാ​ർ​ല​മെ​ന്റി​ലെ ഓ​ഫി​സി​ൽ വി​ളി​ച്ചു​ചേ​ർ​ത്ത സ​ഭ​യി​ലെ ത​ന്ത്ര​ങ്ങ​ൾ ആ​വി​ഷ്ക്ക​രി​ക്കാ​നു​ള്ള പ്ര​തി​പ​ക്ഷ നേ​താ​ക്ക​ളു​ടെ ​യോ​ഗ​ത്തി​ലേ​ക്ക് ക​റു​ത്ത വ​സ്ത്ര​മ​ണി​ഞ്ഞ് തൃ​ണ​മൂ​ല്‍ എം​പി​മാ​രാ​യ പ്ര​സൂ​ൻ ബാ​ന​ര്‍ജി​യും ജ​വ​ഹ​ര്‍ സ​ര്‍ക്കാ​റു​മാ​ണ് എ​ത്തി​യ​ത്.

ബ​ജ​റ്റ് സ​മ്മേ​ള​ന​ത്തി​ന്റെ ര​ണ്ടാം പ​കു​തി തു​ട​ങ്ങി​യ ശേ​ഷം അ​ദാ​നി​ക്കെ​തി​രെ ജെ.​പി.​സി അ​ന്വേ​ഷ​ണം ആ​വ​ശ്യ​പ്പെ​ട്ട് പ്ര​തി​പ​ക്ഷ പാ​ർ​ട്ടി​ക​ൾ ചേ​ർ​ന്ന് ന​ട​ത്തു​ന്ന സം​യു​ക്ത പ്ര​തി​ഷേ​ധ​ത്തി​ൽ​നി​ന്ന് വി​ട്ടു​നി​ൽ​ക്കാ​നാ​യി​രു​ന്നു തൃ​ണ​മൂ​ൽ കോ​ൺ​ഗ്ര​സ് തീ​രു​മാ​നം. പ​ശ്ചി​മ ബം​ഗാ​ളി​ലെ രാ​ഷ്ട്രീ​യം കൂ​ടി പ​രി​ഗ​ണി​ച്ച് കോ​ണ്‍ഗ്ര​സി​നോ​ടും ബി.​ജെ.​പി​യോ​ടും തു​ല്യ​അ​ക​ലം പാ​ലി​ക്കു​മെ​ന്ന് മ​മ​ത ബാ​ന​ർ​ജി പ്ര​ഖ്യാ​പി​ക്കു​ക​യും ചെ​യ്തി​രു​ന്നു. ത​ങ്ങ​ളു​ടെ പി​ന്തു​ണ രാ​ഹു​ൽ ഗാ​ന്ധി​ക്കാ​ണെ​ന്നും രാ​ഹു​ലി​നെ അ​യോ​ഗ്യ​നാ​ക്കി​യ വി​ഷ​യ​ത്തി​ൽ എ​ല്ലാ പ്ര​തി​പ​ക്ഷ ക​ക്ഷി​ക​ളും ഒ​രു​മി​ക്ക​ണ​മെ​ന്ന് തൃ​ണ​മൂ​ൽ ആ​വ​ശ്യ​പ്പെ​ട്ടു.

ജ​നാ​ധി​പ​ത്യ​വും ഭ​ര​ണ​ഘ​ട​ന​യും സം​ര​ക്ഷി​ക്കാ​നും ജ​ന​ങ്ങ​ൾ​ക്ക് സു​ര​ക്ഷ​യൊ​രു​ക്കാ​നും മു​ന്നോ​ട്ടു​വ​രു​ന്ന ആ​രെ​യും സ്വാ​ഗ​തം​ചെ​യ്യു​മെ​ന്ന് കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ പ്ര​തി​ക​രി​ച്ചു.