ഷിരൂർ മഠാധിപതി ഭക്ഷ്യവിഷബാധയേറ്റ് മരിച്ചു

മം​ഗ​ളൂ​രു: ഉ​ഡു​പ്പി അ​ഷ്​​ട​മ​ഠ ആ​സ്ഥാ​ന​മാ​യ ഷി​രൂ​ർ മ​ഠം മു​ഖ്യാ​ധി​പ​ൻ ല​ക്ഷ്മി​വ​ര തീ​ർ​ഥ സ്വാ​മി (54) ഭ​ക്ഷ്യ​വി​ഷ​ബാ​ധ​യെ​ത്തു​ട​ർ​ന്ന് മ​രി​ച്ചു. വ്യാ​ഴാ​ഴ്ച രാ​വി​ലെ മ​ണി​പ്പാ​ൽ ക​സ്തൂ​ർ​ബ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലാ​യി​രു​ന്നു മ​ര​ണം. ഉ​ഡു​പ്പി​യി​ലെ സ്വ​കാ​ര്യ ആ​ശു​പ​ത്രി​യി​ൽ​നി​ന്ന് കൊ​ണ്ടു​വ​ന്ന് പു​ല​ർ​ച്ചെ ഒ​ന്നി​ന് പ്ര​വേ​ശി​പ്പി​ക്കു​മ്പോ​ൾ സ്വാ​മി അ​തീ​വ ഗു​രു​ത​ര​നി​ല​യി​ലാ​യി​രു​ന്നു​വെ​ന്ന് കെ.​എം.​സി അ​ധി​കൃ​ത​ർ അ​റി​യി​ച്ചു. 

മ​ര​ണ​ത്തി​ൽ മ​ഠം സം​ശ​യം പ്ര​ക​ടി​പ്പി​ക്കു​ക​യും സ്വാ​മി​യു​ടെ ജീ​വ​ന് ഭീ​ഷ​ണി​യു​ണ്ടാ​യി​രു​ന്ന​താ​യി അ​ഭി​ഭാ​ഷ​ക​ൻ വെ​ളി​പ്പെ​ടു​ത്തു​ക​യും ചെ​യ്തു. ബു​ധ​നാ​ഴ്ച​യാ​ണ് സ്വാ​മി ഭ​ക്ഷ​ണ​ശേ​ഷം അ​വ​ശ​നാ​യ​ത്. ആ​ഹാ​ര​ത്തി​ൽ വി​ഷം ക​ല​ർ​ന്ന​താ​യി കെ.​എം.​സി മെ​ഡി​ക്ക​ൽ സം​ഘം സ്ഥി​രീ​ക​രി​ച്ചു. എ​ട്ട് മ​ണി​ക്കൂ​ർ നി​ര​ന്ത​ര ചി​കി​ത്സ​യി​ലും നി​രീ​ക്ഷ​ണ​ത്തി​ലും ക​ഴി​ഞ്ഞ സ്വാ​മി​യു​ടെ മ​ര​ണം രാ​വി​ലെ എ​ട്ടി​നാ​ണ് സ്ഥി​രീ​ക​രി​ച്ച​ത്​. സ്വാ​മി​യു​ടെ ജീ​വ​ന് ഭീ​ഷ​ണി​യു​ണ്ടാ​യി​രു​ന്ന​താ​യി അ​ദ്ദേ​ഹ​ത്തി​​​െൻറ അ​ഭി​ഭാ​ഷ​ക​ൻ ര​വി​കു​മാ​ർ മു​രു​ഡേ​ശ്വ​ർ മാ​ധ്യ​മ​പ്ര​വ​ർ​ത്ത​ക​രോ​ട് വെ​ളി​പ്പെ​ടു​ത്തി.

സ്വാ​മി രോ​ഗ​ബാ​ധി​ത​നാ​യി​രി​ക്കെ ഏ​ൽ​പി​ച്ച വി​ഗ്ര​ഹം ചി​കി​ത്സ ക​ഴി​ഞ്ഞ് വ​ന്ന​പ്പോ​ൾ തി​രി​ച്ചേ​ൽ​പി​ക്കാ​ൻ വി​സ​മ്മ​തി​ച്ച ആ​റ് മ​ഠ​ങ്ങ​ളു​ടെ അ​ധി​പ​ന്മാ​ർ​ക്കെ​തി​രെ ക്രി​മി​ന​ൽ കേ​സ് ഫ​യ​ൽ​ചെ​യ്യു​ന്ന കാ​ര്യ​വും താ​നു​മാ​യി ച​ർ​ച്ച​ചെ​യ്തി​രു​ന്നു. ഇ​ക്കാ​ര്യ​ങ്ങ​ൾ സം​ബ​ന്ധി​ച്ച് ര​ണ്ട് മ​ണി​ക്കൂ​ർ സ്വാ​മി സം​സാ​രി​ച്ചു. നി​യ​മ​ന​ട​പ​ടി​യു​ടെ ഒ​രു​ക്ക​ങ്ങ​ൾ​ക്കി​ട​യി​ലാ​ണ് സ്വാ​മി​യു​ടെ  മ​ര​ണ​മെ​ന്ന്​ അ​ഭി​ഭാ​ഷ​ക​ൻ പ​റ​ഞ്ഞു. 

പേ​ജാ​വ​ർ മ​ഠം ജൂ​നി​യ​ർ അ​ധി​പ​തി വി​ശ്വ​വി​ജ​യ സ്വാ​മി മ​ര​ണ​ത്തി​ൽ സം​ശ​യം പ്ര​ക​ടി​പ്പി​ച്ചു. സ്വാ​മി​യെ ആ​ഹാ​ര​ത്തി​ൽ വി​ഷം ക​ല​ർ​ത്തി കൊ​ന്ന​താ​ണെ​ന്ന് സ​ഹോ​ദ​ര​ൻ ല​ത​വ്യ ആ​ചാ​ര്യ ഹ​രി​യ​ടു​ക്ക പൊ​ലീ​സിൽ ന​ൽ​കി​യ പ​രാ​തി​യി​ൽ ആ​രോ​പി​ച്ചു. ഹ​രി​യ​ടു​ക്ക പൊ​ലീ​സ് കേ​സെടുത്തിട്ടുണ്ട്​.