ബംഗളൂരു: കോവിഡ് കേസുകൾ വർധിക്കുന്ന പശ്ചാത്തലത്തിൽ മുതിർന്ന പൗരന്മാരും രോഗികളും മാസ്ക് ധരിക്കണമെന്ന് കർണാടക ആരോഗ്യ കുടുംബ ക്ഷേമ മന്ത്രി ദിനേശ് ഗുണ്ടു റാവു. കേരളത്തിലടക്കം കോവിഡ് കേസുകൾ വർധിക്കുന്ന സാഹചര്യത്തിലാണ് കർണാടക മാസ്ക് നിർബന്ധമാക്കുന്നത്. കേരളവുമായി അതിർത്തി പങ്കിടുന്ന പ്രദേശങ്ങൾ കൂടുതൽ ജാഗ്രത പാലിക്കണം. 60 വയസ്സിനു മുകളിൽ പ്രായമുള്ളവർ, ഹൃദ്രോഗമുള്ളവർ, മറ്റു രോഗങ്ങൾ അലട്ടുന്നവർ എന്നിവർ മാസ്ക് ധരിക്കണം -അദ്ദേഹം പറഞ്ഞു.
കോവിഡ് വകഭേദമായ ജെ.എന്1 കേരളത്തില് സ്ഥിരീകരിച്ച സാഹചര്യത്തിൽ ജാഗ്രതയും തയാറെടുപ്പും ശക്തമാക്കണമെന്ന് കേന്ദ്ര ആരോഗ്യ മന്ത്രാലയം സംസ്ഥാനത്തോട് നിർദേശിച്ചിരുന്നു. വിദേശത്തുനിന്നെത്തുന്നവര് പൊതുവേ കൂടുതലുള്ള കേരളത്തില് ജാഗ്രത പുലര്ത്താന് നിര്ദേശം നല്കിയതായും ആരോഗ്യമന്ത്രാലയം അറിയിച്ചു.
ഏതാനും ആഴ്ചകളായി കേരളത്തില് കോവിഡ് കേസുകള് കൂടുന്നുണ്ട്. ലോകത്ത് പുതുതായി റിപ്പോര്ട്ട് ചെയ്യുന്ന കോവിഡ് കേസുകളില് നല്ല പങ്കും ജെ.എന്1 വകഭേദമെന്നാണ് കണക്ക്. രോഗം സ്ഥിരീകരിച്ച 79കാരിയായ തിരുവനന്തപുരം സ്വദേശിനിയുടെ ആരോഗ്യനില തൃപ്തികരമാണ്.
അതേസമയം, പുതിയ കോവിഡ് കേസുകളില് ഭൂരിഭാഗവും നേരിയ രോഗലക്ഷണങ്ങളുള്ളതും കാര്യമായ ചികിത്സ കൂടാതെതന്നെ ഭേദമാകുന്നതുമാണെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച് (ഐ.സി.എം.ആർ) വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.