ശബരിമല: വ്യാജ ചിത്രത്തിൻെറ ഒരു ലക്ഷം സ്റ്റിക്കറുമായി സംഘ്പരിവാർ

ഫോ​േട്ടാ ഷൂട്ടിലൂടെ വ്യാജ ചിത്രം പ്രചരിപ്പിച്ച്​ വർഗീയ വിദ്വേഷമിളക്കിയതിന്​ യുവാവിനെ കേരളത്തിൽ അറസ്​റ്റ്​ ചെയ്​തിട്ടും അങ്ങ്​ ഡൽഹിയിൽ ചിത്രം ഇപ്പോഴും നിറഞ്ഞ സദസ്സിൽ ഒാടുകയാണ്​. ശബരിമലയിൽ പോലീസ്​ അതിക്രമം നടത്തിയെന്ന മട്ടിൽ വ്യാജ ഫോ​േട്ടാ ഷൂട്ടിലൂടെ പ്രചാരണം നടത്തിയതി​​​​െൻറ പേരിൽ ആർ.എസ്​.എസ്​ പ്രവർത്തകനായ മാന്നാർ കുളഞ്ഞിക്കാരാഴ്​മ ചെമ്പകപ്പള്ളി ശ്രീകല്ല്യാണിയിൽ രാജേഷ്​ ആർ. കുറുപ്പ്​ എന്ന യുവാവിനെ പൊലീസ്​ അറസ്​റ്റ്​ ചെയ്​തിരുന്നു. ഇരുമുടി കെട്ടുമായി അയ്യപ്പ വി​ഗ്രഹം നെഞ്ചോടമർത്തി മരത്തിൽ ചാരി ഇരിക്കുന്ന യുവാവി​​​​െൻറ നെഞ്ചിൽ ബൂട്ടിട്ട്​ പൊലീസ്​ മർദ്ദിക്കുന്ന വൈകാരികതയുണർത്തുന്ന ചിത്രമായിരുന്നു സോഷ്യൽ മീഡിയയിലൂടെ ഇയാൾ പ്രചരിപ്പിച്ചത്​. പോരാത്തതിന്​ ആരോ ഇയാളുടെ കഴുത്തിൽ കൊടുവാൾ അമർത്തി ഭീഷണി​പ്പെടുത്തുന്ന ചിത്രവുമുണ്ടായിരുന്നു.

ഡി.വൈ.എഫ്​.​െഎ ചെന്നിത്തല മേഖലാ സെക്രട്ടറി എസ്​. ശരത്​ബാബു ജില്ലാ പൊലീസ്​ മേധാവിക്കു നൽകിയ പരാതിയിൽ കേസെടുത്തപ്പോഴാണ്​ ഫോ​േട്ടായ്​ക്ക്​ പിന്നിലെ രഹസ്യത്തി​​​​െൻറ ചുരുളഴിഞ്ഞത്​. പ്ര​േത്യക ഫോ​േട്ടാ ഷൂട്ടിലൂടെ താനാണ്​ ഇൗ ചിത്രങ്ങൾ എടുത്തു നൽകിയതെന്ന്​ മിഥുൻ കൃഷ്​ണ എന്ന ഫോ​​േട്ടാഗ്രാഫർ ‘മനോരമ ന്യുസിന്​’ നൽകിയ അഭിമുഖത്തിൽ സമ്മതിക്കുകയും ചെയ്​തതാണ്​. അറസ്​റ്റ്​ ചെയ്​ത രാജേഷ്​ ആർ. കുറുപ്പിനെ പിന്നീട്​ ജാമ്യത്തിൽ വിട്ടയച്ചിരുന്നു.

ഹിന്ദുക്കളോടുള്ള കേരള സർക്കാറി​​​​െൻറ വിദ്വേഷത്തിന്​ തെളിവായി ഇൗ ചിത്രം സംഘ്​പരിവാർ ഉത്തരേന്ത്യയിൽ വ്യാപകമായി പ്രചിപ്പിച്ചുവരികയായിരുന്നു. ഡൽഹിയിലെ വിമത എം.എൽ.എ കപിൽ മിശ്ര, ഹിന്ദുമഹാ സഭ നേതാവ്​ കമലേഷ്​ തിവാരി എന്നിവർ സോഷ്യൽ മീഡിയയിൽ ഇൗ ചിത്രങ്ങൾ പ്രചരിപ്പിച്ചതോടെയാണ്​ ഉത്തരേന്ത്യയിൽ ഇത്​ വൈറലായത്​. ‘യഥാർത്ഥ ഭക്​ത​​​​െൻറ കണ്ണിൽ ഭയമില്ല’ എന്ന കുറിപ്പോടെയാണ്​ കമൽ മിശ്ര ചിത്രം ട്വീറ്റ്​ ചെയ്​തത്​.ആയിരക്കണക്കിനു പേരാണ്​ ഇൗ ചിത്രം ഷെയർ ചെയ്​തത്​. ആൾട്ട്​ന്യൂസ്​.ഇൻ പോലുള്ള വെബ്​ സൈറ്റുകൾ ചിത്രത്തി​​​​െൻറ യാഥാർത്ഥ്യം വെളിപ്പെടുത്തി കള്ളി പൊളിച്ചിട്ടും വടക്കേയിന്ത്യയിൽ ഇൗ ചിത്രം ഇപ്പോഴും പ്രചിപ്പിച്ചുകൊണ്ടിരിക്കുന്നു.

ഇന്നലെ ബി.ജെ.പി വക്​താവ്​ തജീന്ദർ പാൽ സിങ്​ ബഗ്ഗ പ​െങ്കടുത്ത പരിപാടിയിൽ വ്യാജമാണെന്ന്​ 100 ശതമാനം തെളിഞ്ഞ ഇൗ ചിത്രം ‘സേവ്​ ശബരിമല’ എന്ന പേരിൽപ്ര​ത്യേക സ്​റ്റിക്കറായാണ്​ പുറത്തിറക്കിയത്​. ബഗ്ഗ ത​​​​െൻറ ഫേസ്​ബുക്ക്​ വാളിൽ ഇൗ ചിത്രം പങ്കുവെച്ചുകൊണ്ട്​ പറയുന്നത്​ ‘ഡൽഹിയിലെ ഒരു ലക്ഷം കാറുകളിലും ബൈക്കുകളിലും ഇൗ സ്​റ്റിക്കർ പതിക്കും’ എന്നാണ്​. വ്യാജ ചിത്രമാണെന്ന്​ തെളിഞ്ഞിട്ടും ഇത്​ പ്രചരിപ്പിക്കുന്നവർക്കെതിരെ നടപടിയുണ്ടാകണമെന്ന്​ ആവശ്യമുയർന്നിട്ടുണ്ട്​. സംസ്​ഥാന സർക്കാർ നിയമപരമായി നീങ്ങണമെന്നാണ്​ ആവശ്യം.