തിരുവനന്തപുരം: കോൺഗ്രസ് ബൂത്ത് പ്രസിഡൻറുമാരുടെയും വനിത ൈവസ് പ്രസിഡൻറുമാരുടെയും സമ്മേളനത്തിൽ സംബന്ധിക്കാൻ കോൺഗ്രസ് പ്രസിഡൻറ് രാഹുൽ ഗാന്ധി ഇൗ മാസം 29ന് കൊച്ചിയിലെത്തും. അന്തരിച്ച എം.െഎ. ഷാനവാസിെൻറ കുടുംബത്തെ സന്ദർശിക്കും. യു.ഡി.എഫ് നേതാക്കളുമായി ചർച്ച നടത്തുമെന്നും കെ.പി.സി.സി പ്രസിഡൻറ് മുല്ലപ്പള്ളി രാമചന്ദ്രൻ വാർത്തസമ്മേളനത്തിൽ അറിയിച്ചു.
29ന് രാവിലെ 10.30ന് കൊച്ചിയിൽ വിമാനമിറങ്ങും. തുടർന്ന് ഷാനവാസിെൻറ വീട്ടിലെത്തും. 12.30ന് ഗസ്റ്റ് ഹൗസിലാണ് യു.ഡി.എഫ് നേതാക്കളുമായി ചർച്ച. അതിനുശേഷം മറൈൻെഡ്രെവിൽ നടക്കുന്ന ബൂത്ത് പ്രസിഡൻറ്, വനിത വൈസ് പ്രസിഡൻറുമാരുടെ സമ്മേളനത്തിൽ സംബന്ധിക്കും. എ.കെ. ആൻറണി, ഉമ്മൻ ചാണ്ടി, രമേശ് ചെന്നിത്തല, മുകുൾ വാസ്നിക്, കെ.സി. വേണുഗോപാൽ, പി.സി. ചാക്കോ എന്നിവർ സംബന്ധിക്കും. 5.45ന് മടങ്ങും.
‘എെൻറ ബൂത്ത്, എെൻറ അഭിമാനം’ പരിപാടിയുടെ ഭാഗമായാണ് സമ്മേളനം. കെ.പി.സി.സി പ്രസിഡൻറ് നയിക്കുന്ന ജനമഹായാത്ര ഫെബ്രുവരി മൂന്നിന് കാസർകോടുനിന്ന് ആരംഭിക്കും. 28ന് തിരുവനന്തപുരത്ത് സമാപിക്കും. വിവിധ ജില്ലകളിലെ സമ്മേളനങ്ങളിൽ ദേശീയ നേതാക്കളും വിവിധ സംസ്ഥാനങ്ങളിലെ കോൺഗ്രസ് മുഖ്യമന്ത്രിമാരും സംബന്ധിക്കുമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.