ലഖ്നോ: പരിശോനയില്ല, അതുകൊണ്ട് കോവിഡുമില്ലെന്ന യോഗി സർക്കാറിൻെറ നയം മാറ്റണമെന്ന് ആവശ്യപ്പെട്ട് ഉത്തർപ്രദേശ് മുഖ്യമന്ത്രി യോഗി ആദിത്യനാഥിന് പ്രിയങ്ക ഗാന്ധിയുടെ കത്ത്. കോവിഡ് രോഗികൾ വർധിക്കുന്നതിലും പരിശോധനകൾ കുറയുന്നതിലും പ്രിയങ്ക ആശങ്ക രേഖപ്പെടുത്തി. യു.പിയിൽ കിടക്കകൾക്ക് ഉൾപ്പടെ ക്ഷാമം നേരിടുന്നുണ്ടെന്നും എ.ഐ.സി.സി ജനറൽ സെക്രട്ടറി കത്തിൽ ചൂണ്ടിക്കാട്ടി.
60,770 പേർക്കാണ് ഉത്തർപ്രദേശിൽ ഇതുവരെ കോവിഡ് സ്ഥിരീകരിച്ചത്. ഇതിൽ 37,712 പേർ രോഗമുക്തരായി. 21,711 പേരാണ് നിലവിൽ ചികിൽസയിലുള്ളത്. 1,298 പേർ രോഗംബാധിച്ച് മരിച്ചു.
കോവിഡ് രോഗബാധ തടയാൻ ഉത്തർപ്രദേശും ഉത്തരാഖണ്ഡും ആഴ്ചാവസാനങ്ങളിൽ ലോക്ഡൗൺ ഏർപ്പെടുത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.