ചെന്നൈ: ബംഗളൂരു റാലിയിൽ പ്രധാനമന്ത്രി നരേന്ദ്ര മോദി പ്രഖ്യാപിച്ച വാഗ്ദാനങ്ങളെ രൂക്ഷമായി പരിഹസിച്ച് തെന്നിന്ത്യൻ സിനിമാ താരം പ്രകാശ് രാജ്. മോദി 2014ൽ നൽകിയ ടൂത്ത്പേസ്റ്റ് വാഗ്ദാനം കൊണ്ട് ദുരിതം പേറുന്ന കർഷകർക്കും തൊഴിലില്ലാത്ത യുവജനങ്ങൾക്കും ചിരിക്കാൻ സാധിക്കുന്നില്ലെന്ന് പ്രകാശ് രാജ് ട്വീറ്റ് ചെയ്തു. ബംഗളൂരു റാലിയിൽ മോദി നൽകിയ വാഗ്ദാനങ്ങൾ യാഥാർഥ്യമാകുമോ എന്ന് ജനങ്ങൾ വിശ്വസിക്കുന്നുണ്ടോ എന്നും പ്രകാശ് രാജ് ചോദ്യം ഉന്നയിച്ചു.
PROMISE TOOTHPASTE sold in 2014 .. ( forget brushing the teeth ) could not bring a smile on distressed farmers or jobless youth of my country........do you believe PROMISE TOOTHPASTE ....sold yesterday ...in Karnataka rally .....will bring it.... #justasking
— Prakash Raj (@prakashraaj) February 5, 2018
കർണാടകത്തിൽ ബി.ജെ.പി സംഘടിപ്പിച്ച പരിവർത്തന യാത്രയുടെ സമാപനത്തിൽ സംസാരിക്കുമ്പോഴാണ് മോദി പുതിയ വാഗ്ദാനങ്ങൾ ജനങ്ങൾക്ക് മുമ്പിൽ വെച്ചത്. കർഷകരുടെ വിളകൾക്ക് കൃത്യമായ വില നൽകും. കർഷകരുടെ തൽപര്യത്തിനു വേണ്ടി ബി.ജെ.പി നേതാക്കൾ പ്രയത്നിക്കും. ഇത്തവണത്തെ ബജറ്റിൽ കർഷകർക്കായി നിർണായക തീരുമാനങ്ങളാണ് സർക്കാർ കൈക്കൊണ്ടതെന്നും മോദി പറഞ്ഞിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.