ലക്നൗ: ബിഹാർ നിയമസഭ തെരഞ്ഞെടുപ്പിൽ തങ്ങളെ വിജയിക്കാൻ എ.ഐ.എം.ഐ.എം നേതാവ് അസദുദ്ദീൻ ഉവൈസി സഹായിച്ചുവെന്ന് ബി.ജെ.പി എം.പി സാക്ഷി മഹാരാജ്. ബിഹാറിലേതുപോലെ ഉത്തർ പ്രദേശിലും പശ്ചിമബംഗാളിലും ഉവൈസി സഹായിക്കുമെന്നും സാക്ഷി മഹാരാജ് പ്രസ്താവിച്ചു.
''ദൈവം ഉവൈസിയെ കുടുതൽ കരുത്തനാക്കട്ടെ. അദ്ദേഹം ഞങ്ങളെ ബിഹാറിൽ സഹായിച്ചു. ഉത്തർ പ്രദേശിലും പശ്ചിമ ബംഗാളിലും കുടി അദ്ദേഹം സഹായിക്കുമെന്നാണ് പ്രതീക്ഷ'' -സാക്ഷി മഹാരാജ് മാധ്യമങ്ങളോട് പ്രതികരിച്ചു.
ബിഹാർ തെരഞ്ഞെടുപ്പിൽ ഉവൈസി ബി.ജെ.പിയുടെ ബി ടീമായി പ്രവർത്തിക്കുന്നുവെന്ന് കോൺഗ്രസ്, ആർ.ജെ.ഡി അടക്കമുള്ളവർ ആരോപിച്ചിരുന്നു. എന്നാൽ ഇത്തരം പ്രചാരണങ്ങളെ ഉവൈസി പുച്ഛിച്ചുതള്ളിയിരുന്നു. തങ്ങൾ രജിസ്റ്റർ ചെയ്ത പാർട്ടിയാണെന്നും എവിടെയും മത്സരിക്കാൻ അവകാശമുണ്ടെന്നുമായിരുന്നു ഉവൈസിയുടെ മറുപടി. ഈ വർഷം നടക്കുന്ന പശ്ചിമ ബംഗാൾ തെരഞ്ഞെടുപ്പിൽ ഫുർഫുറ ശരീഫ് പ്രസ്ഥാനങ്ങളുടെ മേധാവി അബ്ബാസ് സിദ്ദീഖുമായി ഉവൈസി കൈകോർക്കാൻ സാധ്യതയുണ്ട്്. ഇത് തൃണമൂൽ കോൺഗ്രസിന്‍റെ മുസ്ലിം വോട്ട് ബാങ്കിൽ വിള്ളൽ വീഴ്ത്തുമെന്നാണ് കരുതപ്പെടുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.