രാഹുൽ ഇപ്പോൾ പപ്പുവല്ല; പപ്പയെന്ന്​ കേന്ദ്രമന്ത്രി

ന്യൂഡൽഹി: അഞ്ചു സംസ്ഥാനങ്ങളിലേക്ക്​ നടന്ന നിയമസഭാ തെരഞ്ഞെടുപ്പിൽ മൂന്നു സംസ്ഥാനങ്ങളിലും വിജയം നേടിയ​തോടെ കോൺഗ്രസ്​ അധ്യക്ഷൻ രാഹുൽ ഗാന്ധിയുടെ ‘പപ്പു’എന്ന വിളിപേര്​ മാറിയെന്ന്​ കേന്ദ്രമന്ത്രി രാംദാസ്​ അതാവലെ. ജനങ്ങൾ രാഹുലിനെ പരിഹസിച്ച്​ പപ്പു എന്നു വിളിച്ചിരുന്നു. എന്നാൽ അദ്ദേഹമിപ്പോൾ പാർട്ടിയുടെ ‘പപ്പ’ ആയിരിക്കുകയാണ്​. മൂന്നു സംസ്ഥാനങ്ങളിൽ വിജയം നേടാൻ അദ്ദേഹത്തിനു കഴിഞ്ഞുവെന്നും അതാവലെ പറഞ്ഞു.

സോഷ്യൽ മീഡിയ പ്ലാറ്റ്​ഫോമിൽ രാഹുലി​​​െൻറ ‘പപ്പു’വെന്ന പേര്​ മാറുകയാണ്​. അദ്ദേഹം വിവാഹം കഴിച്ച്​ ‘പപ്പ’യാകണമെന്ന്​ ഉപദേശിക്കുകയാണെന്നും മന്ത്രി പറഞ്ഞു.

ബി.ജെ.പി ഭരണത്തിലിരുന്ന മൂന്നു സംസ്ഥാനങ്ങളിലെയും തോൽവിയിൽ പ്രധാനമ​ന്ത്രി നരേന്ദ്ര മോദിക്ക്​ പങ്കില്ല. തോൽവി ബി.ജെ.പിയുടേതാണ്​, മോദിയുടേത്​ അല്ലെന്നും അതാവലെ കൂട്ടിച്ചേർത്തു.