മുംബൈ: ഖർ മേഖലയിലുള്ള ജാസ്ദുബൻ എം.എൽ സ്കൂൾ വിദ്യാർഥികളാണ് ഇരട്ട സഹോദരൻമാരായ രാഹുലും രോഹനും. കാണാൻ ഒരു പോലെ ഇരിക്കുന്ന ഇരുവരെയും കൗതുകത്തോടെയായിരുന്നു സ്കൂളിലുള്ളവർ കണ്ടുകൊണ്ടിരുന്നത്. ഇരുവർക്കും രോഗം വരുന്നതും വിശപ്പ് വരുന്നതുമൊക്കെ ഒരുമിച്ചാണ്. ഇതുപോലുള്ള ഇരട്ടകൾ വേറെയുണ്ടെങ്കിലും അവരിൽ നിന്നും ഇൗ സഹോദരൻമാർ വ്യത്യസ്തരാവുന്നത് മറ്റൊരു കാര്യത്തിലാണ്.
െഎ.എസ്.സി 12ാം ക്ലാസ് പരീക്ഷയിൽ ഏവരെയും ഞെട്ടിച്ചുകൊണ്ട് ഇരുവരും ഒരേ മാർക്ക് നേടി. അതും ഉയർന്നമാർക്കായ 95.5 ശതമാനം. പോയിൻറ് പോലും വ്യത്യാസമില്ലാതെയാണ് ഇരുവരുടെയും നേട്ടം. രാഹുൽ, രോഹൻ സഹോദരൻമാരുടെ അമ്മയും പരീക്ഷാ ഫലം കണ്ട് ഞെട്ടിയിരിക്കുകയാണ്. ഇവർക്കിടയിൽ പലകാര്യങ്ങളും സമാനമായി സംഭവിക്കാറുണ്ടെങ്കിലും ഇത് തങ്ങൾക്ക് പുതിയ അനുഭവമാണെന്ന് അമ്മ സോണാൽ ചെമ്പകസ്സെറിൽ പറഞ്ഞു. ഇരുവരും പഠിക്കുന്നതും റിവിഷൻ ചെയ്യുന്നതുമൊക്കെ ഒരുമിച്ചാണെന്നും സോണാൽ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.