മൻമോഹൻ സിങ് ആശുപത്രി വിട്ടു

ന്യൂഡൽഹി: രോഗബാധയെ തുടർന്ന് ഞായറാഴ്ച എയിംസിൽ പ്രവേശിപ്പിച്ച മുൻ പ്രധാനമന്ത്രി മൻമോഹൻ സിങ് ആശുപത്രി വിട്ടു. പനി, നെഞ്ചുവേദന എന്നിവയെ തുടർന്നാണ് ഇദ്ദേഹത്തെ ആശുപത്രിയിൽ പ്രവേശിപ്പിച്ചിരുന്നത്. പുതിയ മരുന്നിനോടിനുള്ള റിയാക്ഷൻ മൂലമാണ് അസ്വസ്ഥത ഉണ്ടായതെന്നും ഒരു ദിവസം മുഴുവൻ പനിയില്ലെന്ന് ഉറപ്പ് വരുത്തിയാണ് ആശുപത്രിയിൽ നിന്ന് ഡിസ്ചാർജ് ചെയ്തതെന്നും അധികൃതർ അറിയിച്ചു. 

ഞായറാഴ്ച കോവിഡ് പരിശോധന നടത്തിയ ഇദ്ദേഹത്തിന്‍റെ ഫലം നെഗറ്റീവാണെന്ന് കോൺഗ്രസ് വൃത്തങ്ങൾ അറിയിച്ചു.

ഇദ്ദേഹത്തെ ആശുപത്രിയിൽ പ്രവേശിപ്പിച്ചതറിഞ്ഞ് രാജ്യത്തിന്‍റെ വിവിധ ഭാഗങ്ങളിൽ നിന്ന് പ്രാർഥനയും ആശംസകളും ഒഴുകിയെത്തിയിരുന്നു.