ജയ്പുർ: രാജസ്ഥാനിൽ പ്രായപൂർത്തിയാകാത്ത പെൺകുട്ടിയെ ഉൾപ്പെടെ ഒരു കുടുംബത്തിലെ നാലുപേരെ ബലാത്സംഗം ചെയ്തയാൾ പിടിയിൽ. യുവതികളുടെ വീടിനോട് ചേർന്ന് ധാബ നടത്തിയിരുന്ന വിഷ്ണു ഗുർജാർ ആണ് പൊലീസിന്‍റെ പിടിയിലാകുന്നത്.
വീട്ടിലെ മുതിർന്ന യുവതിയെ യുവാവ് ഒരു വർഷത്തോളമായി ഭീഷണിപ്പെടുത്തി ബലാത്സംഗം ചെയ്തിരുന്നു. പിന്നീട് ഇയാൾ തന്‍റെ ഇളയ സഹോദരിമാരെയും മകളെയും കുടുക്കാൻ ശ്രമിച്ചതോടെ യുവതി പൊലീസിനെ സമീപിക്കുകയായിരുന്നു.
യുവതി വിഷ്ണു ഗുർജാറിനെതിരെ പരാതിയുമായി എത്തിയതിന് പിന്നാലെ ഒരു സഹോദരിയും ഇയാൾക്കെതിരെ പൊലീസിൽ പരാതിയുമായി എത്തി. ജനുവരി 21നാണ് പ്രതിക്കെതിരെ ആദ്യ പരാതി ലഭിക്കുന്നത്. അന്നേദിവസം തന്നെ ഒരു സഹോദരിയും പരാതി നൽകി. പിന്നീട് കുടുംബത്തിലെ മറ്റു രണ്ടുപേരും ഇയാൾക്കെതിരെ പരാതി നൽകുകയായിരുന്നു. തുടർന്ന് ജനുവരി 23നും 24നും ഇയാൾക്കെതിരെ ഓരോ കേസുകൾ വീതം രജിസ്റ്റർ ചെയ്തു. ഇയാളെ പൊലീസ് അറസ്റ്റ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.