ന്യൂഡൽഹി: മുസ്ലിംകൾ ഉള്ളതുകൊണ്ടാണ് രാജ്യത്ത് ഹിന്ദുക്കൾ ഹിന്ദുക്കളായി തുടരുന്നതെന്ന് തൃണമൂൽ കോൺഗ്രസ് എം.പി മഹുവ മൊയ്ത്ര. മുസ്ലിംകൾ ഇല്ലെങ്കിൽ ഹിന്ദുക്കൾ ഉണ്ടാവില്ലെന്നും വിവിധ ജാതികളായി വേർപ്പെടുമെന്നും മഹുവ മൊയ്ത്ര ട്വീറ്റ് ചെയ്തു. ഡൽഹിയിൽ മുസ്ലിംകളെ ലക്ഷ്യമിട്ട് സംഘ്പരിവാർ നേതൃത്വത്തിൽ നടന്ന കലാപത്തിന്റെ പശ്ചാത്തലത്തിലാണ് മഹുവയുടെ പ്രതികരണം.
'മുസ്ലിംകൾ ഈ രാജ്യത്ത് ഉള്ളിടത്തോളം കാലമാണ് നിങ്ങളൊരു ഹിന്ദുവാകുന്നത്. ഒരിക്കൽ അവർ പോയാൽ പിന്നെ നിങ്ങൾ ഹിന്ദുവല്ല. ബ്രാഹ്മണനും ക്ഷത്രിയനും വൈശ്യനും ശൂദ്രനും ദലിതനും തൊട്ടുകൂടാത്തവരുമായി മാറും' -ട്വീറ്റിൽ പറയുന്നു.
— Mahua Moitra (@MahuaMoitra) February 29, 2020
ലോക്സഭയിലെ തീപ്പൊരി പ്രസംഗത്തിലൂടെ ശ്രദ്ധേയയായ മഹുവ നേരത്തെയും കേന്ദ്ര സർക്കാറിനെ രൂക്ഷമായി വിമർശിച്ചിട്ടുണ്ട്. ഡൽഹി കത്തുമ്പോൾ സർക്കാർ നോക്കിനിൽക്കുകയാണെന്നും ഈ നാണക്കേടിൽ നിന്ന് മോദിക്കും അമിത് ഷാക്കും ഒളിച്ചോടാനാകില്ലായെന്നും മഹുവ വിമർശിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.