റായ്പുർ: മഹാദേവ് ഓൺലൈൻ ബെറ്റിങ്, ഗെയിമിങ് ആപ്പുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ രണ്ടു പേരെക്കൂടി എൻഫോഴ്സ്മെന്റ് ഡയറക്ടറേറ്റ് (ഇ.ഡി) അറസ്റ്റ് ചെയ്തു. കൊൽക്കത്ത സ്വദേശി നിതിൻ തിബ്രിവാൾ, റായ്പുർ സ്വദേശി അമിത് അഗർവാൾ എന്നിവരാണ് അറസ്റ്റിലായത്. ഇവരെ റായ്പുരിലെ പ്രത്യേക കോടതി ജനുവരി 17 വരെ ഇ.ഡി കസ്റ്റഡിയിൽ വിട്ടു. കേസിലെ മറ്റൊരു പ്രതിയായ വികാഷ് ചപ്പാരിയയുമായി അടുത്ത ബന്ധമുള്ളയാളാണ് നിതിൻ തിബ്രിവാൾ.
മഹാദേവ് ആപ്പിലൂടെ സമ്പാദിച്ച പണംകൊണ്ട് ഇയാൾ ദുബൈയിൽ വസ്തു വാങ്ങിയതായി ഇ.ഡി കണ്ടെത്തിയിരുന്നു. മറ്റൊരു പ്രതിയായ അനിൽകുമാർ അഗർവാളിന്റെ ബന്ധുവായ അമിത് അഗർവാളിനെതിരെയും സമാന ആരോപണമുണ്ട്. ചപ്പാരിയയുടെയും അനിൽ അഗർവാളിന്റെയും പേരിൽ ദുബൈയിലുള്ള 99.46 കോടിയുടെ അപ്പാർട്മെന്റും സ്ഥലവും ഇ.ഡി കഴിഞ്ഞവർഷം കണ്ടുകെട്ടിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.