ക​മലേഷ്​ തിവാരിയെ 15 തവണ കുത്തിയെന്ന്​ പോസ്​റ്റ്​മാർട്ടം റിപ്പോർട്ട്​

ലഖ്​നോ: ഹിന്ദുസമാജ്​ പാർട്ടി നേതാവ്​ കമേഷ്​ തിവാരിയെ വെടിവെക്കുന്നതിന്​ മുമ്പ്​ 15 തവണ കുത്തിയെന്ന്​ പോസ്​ റ്റ്​മാർട്ടം റിപ്പോർട്ട്​. തിവാരിയുടെ കഴുത്ത്​ മുതൽ നെഞ്ച്​ വരെയാണ്​ കുത്തുകളേറ്റിരിക്കുന്നത്​. കഴുത്തിൽ ആഴത്തിലുള്ള രണ്ട്​ മുറിവുകളേറ്റിട്ടുണ്ടെന്നും പോസ്​റ്റ്​മാർട്ടം റിപ്പോർട്ട്​ വ്യക്​തമാക്കുന്നു.

കുത്തിയതിന്​ ശേഷം അദ്ദേഹത്തിന്​ നേരെ വെടിയുതിർക്കുകയായിരുന്നു. കമലേഷ്​ തിവാരിയുടെ തലയോട്ടിക്ക്​ പിന്നിൽ നിന്ന്​ പോയിൻറ്​ 32 ബുള്ളറ്റ്​ ഡോക്​ടർമാർ പോസ്​റ്റമാർട്ടത്തിൽ കണ്ടെത്തിയിട്ടുണ്ട്​. ലഖ്​നോവിലെ നാകാ ഹിൻഡോല ഏരിയയിലാണ്​ കമലേഷ്​ തിവാരി വെടിയേറ്റ്​ മരിച്ചത്​.

ക​മലേഷ്​ തിവാരിയുടെ കൊലപാതകവുമായി ബന്ധപ്പെട്ട്​ മുഖ്യപ്രതികൾ ഉൾപ്പടെ ഏഴ്​ പേർ അറസ്​റ്റിലായിരുന്നു.