ഐ.​എ​സ്.​ആ​ർ.​ഒ റോക്കറ്റ് വിക്ഷേപണ കേന്ദ്രം: ‘ഭൂമിപൂജ’യോടെ നിർമാണത്തുടക്കം

ചെ​ന്നൈ: തൂ​ത്തു​ക്കു​ടി കു​ല​ശേ​ഖ​ര​പ​ട്ട​ണ​ത്ത് പു​തു​താ​യി നി​ർ​മി​ക്കു​ന്ന ഇ​ന്ത്യ​ൻ ബ​ഹി​രാ​കാ​ശ ഗ​വേ​ഷ​ണ സം​ഘ​ട​ന (ഐ.​എ​സ്.​ആ​ർ.​ഒ)​യു​ടെ റോ​ക്ക​റ്റ് വി​ക്ഷേ​പ​ണ പാ​ഡ് നി​ർ​മാ​ണം ‘ഭൂ​മി​പൂ​ജ’​യോ​ടെ തു​ട​ക്കം. ബു​ധ​നാ​ഴ്ച രാ​വി​ലെ ഹൈ​ന്ദ​വ പു​രോ​ഹി​ത​രു​ടെ നേ​തൃ​ത്വ​ത്തി​ൽ ന​ട​ന്ന പൂ​ജാ​ക​ർ​മ​ങ്ങ​ളി​ൽ ഐ.​എ​സ്.​ആ​ർ.​ഒ ശാ​സ്ത്ര​ജ്ഞ​ർ ഉ​ൾ​പ്പെ​ടെ ബ​ന്ധ​പ്പെ​ട്ട ഉ​ന്ന​ത ഉ​ദ്യോ​ഗ​സ്ഥ​രും സം​ബ​ന്ധി​ച്ചു.

ആ​ന്ധ്ര​പ്ര​ദേ​ശി​ലെ ശ്രീ​ഹ​രി​ക്കോ​ട്ട​യി​ൽ ഐ.​എ​സ്.​ആ​ർ.​ഒ​ക്ക് ര​ണ്ട് റോ​ക്ക​റ്റ് വി​ക്ഷേ​പ​ണ കേ​ന്ദ്ര​ങ്ങ​ളു​ണ്ട്. ഈ​യി​ടെ​യാ​യി പ​ല രാ​ജ്യ​ങ്ങ​ളും ഐ.​എ​സ്.​ആ​ർ.​ഒ വ​ഴി ഉ​പ​ഗ്ര​ഹ​ങ്ങ​ൾ വി​ക്ഷേ​പി​ക്കാ​ൻ താ​ൽ​പ​ര്യം പ്ര​ക​ടി​പ്പി​ക്കു​ന്നു​ണ്ട്. ഇ​തി​നാ​യി ഐ.​എ​സ്.​ആ​ർ.​ഒ റോ​ക്ക​റ്റ് വി​ക്ഷേ​പ​ണ പാ​ഡ് കൂ​ടി സ്ഥാ​പി​ക്കാ​ൻ തീ​രു​മാ​നി​ച്ചു. ഇ​തി​ന്റെ ഭാ​ഗ​മാ​യി കാ​റ്റി​ന്റെ വേ​ഗം, കു​റ​ഞ്ഞ മ​ഴ, ഭൂ​മി​യു​ടെ ഭൂ​മ​ധ്യ​രേ​ഖ​യോ​ടു​ള്ള സാ​മീ​പ്യം തു​ട​ങ്ങി​യ ഘ​ട​ക​ങ്ങ​ൾ ക​ണ​ക്കി​ലെ​ടു​ത്ത് രാ​ജ്യ​ത്തു​ട​നീ​ളം സ​ർ​വേ​ക​ൾ ന​ട​ത്തി. ഇ​തി​ന്റെ അ​ടി​സ്ഥാ​ന​ത്തി​ലാ​ണ് കു​ല​ശേ​ഖ​ര​പ​ട്ട​ണം തെ​ര​ഞ്ഞെ​ടു​ക്ക​പ്പെ​ട്ട​ത്.

ഇ​തി​നാ​യി കു​ട​ൽ​ന​ഗ​ർ, അ​മ​ര​പു​രം, മ​ണ​പ്പാ​ട്, മാ​ധ​വ​ൻ​കു​റി​ച്ചി തു​ട​ങ്ങി​യ ഗ്രാ​മ​ങ്ങ​ളി​ലാ​യി 2230 ഏ​ക്ക​ർ ഭൂ​മി ഏ​റ്റെ​ടു​ത്തു. 2024 ഫെ​ബ്രു​വ​രി​യി​ലാ​ണ് പ്ര​ധാ​ന​മ​ന്ത്രി ന​രേ​ന്ദ്ര മോ​ദി റോ​ക്ക​റ്റ് വി​ക്ഷേ​പ​ണ കേ​ന്ദ്ര​ത്തി​ന് ത​റ​ക്ക​ല്ലി​ട്ട​ത്. അ​ടു​ത്ത വ​ർ​ഷ​ത്തി​ൽ ഇ​തി​ന്റെ നി​ർ​മാ​ണം പൂ​ർ​ത്തി​യാ​കും.