മുംബൈ: പവാർ കുടുംബത്തിലും മഹാരാഷ്ട്ര രാഷ്ട്രീയത്തിലും വിള്ളലുണ്ടാക്കാൻ ‘ഡൽഹിയിൽനിന്നുള്ള അദൃശ്യശക്തി’ ശ്രമിക്കുന്നതായി എൻ.സി.പി ദേശീയ വർക്കിങ് പ്രസിഡന്റും ശരദ് പവാറിന്റെ മകളുമായ സുപ്രിയ സുലെ.
ഹാട്രിക് വിജയം നേടിയ ബാരാമതി ലോക്സഭ സീറ്റിൽ തനിക്കെതിരെ അജിത് പവാറിന്റെ ഭാര്യ സുനേത്ര പവാർ മത്സരിക്കുമെന്ന അഭ്യൂഹവുമായി ബന്ധപ്പെട്ട മാധ്യമപ്രവർത്തകരുടെ ചോദ്യത്തോട് പ്രതികരിക്കുകയായിരുന്നു സുപ്രിയ. കുടുംബത്തിൽ പ്രശ്നമില്ലെന്നും അജിത് തനിക്ക് വല്യേട്ടനാണെന്നും പറഞ്ഞ സുപ്രിയ, എല്ലാ കുഴപ്പങ്ങളുമുണ്ടാക്കുന്നത് ബി.ജെ.പിയാണെന്നും ആരോപിച്ചു.
അജിത്തിന്റെ ഭാര്യ സുനേത്രയോ മകൻ പാർഥ പവാറോ സുപ്രിയക്കെതിരെ മത്സരിക്കുമെന്നാണ് അഭ്യൂഹം. ഇത് ജനാധിപത്യ രാജ്യമാണെന്നും ആർക്കും തനിക്കെതിരെ മത്സരിക്കാമെന്നും സുപ്രിയ പറഞ്ഞു. അവസരം വന്നാൽ അജിത് പവാർ മുഖ്യമന്ത്രിയാകുമെന്ന ബി.ജെ.പി നേതാവും ഉപമുഖ്യമന്ത്രിയുമായ ദേവേന്ദ്ര ഫഡ്നാവിസിന്റെ പ്രസ്താവനയെ സുപ്രിയ സ്വാഗതം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.