ന്യൂഡൽഹി: രാജ്യത്ത് ചികിത്സയിലുള്ള കോവിഡ് രോഗികളുടെ എണ്ണം 72 ദിവസത്തിന് ശേഷം എട്ട് ലക്ഷത്തിൽ താഴെയെത്തി. ഇന്ത്യയിൽ കോവിഡ് ബാധിച്ച് നിലവിൽ 7,98,656 പേരാണ് ചികിത്സയിലുള്ളത്. 62,480 പേർക്ക് കഴിഞ്ഞ ദിവസം കോവിഡ് സ്ഥിരീകരിച്ചു. 88,977 പേർക്കാണ് രോഗമുക്തിയുണ്ടായത്. രോഗമുക്തി നിരക്ക് 96.03 ശതമാനമായി ഉയർന്നു.
കോവിഡ് ബാധിച്ചുള്ള മരണത്തിലും കുറവ് രേഖപ്പെടുത്തുന്നുണ്ട്. 1,587 പേരാണ് കഴിഞ്ഞ ദിവസം കോവിഡ് ബാധിച്ച് മരിച്ചത്. ഇതോടെ 2,97,62,793 പേർക്കാണ് ഇതുവരെ കോവിഡ് ബാധിച്ചത്. 3,83,490 പേർ രോഗം ബാധിച്ച് മരിക്കുകയും ചെയ്തു. 2,85,80,647 പേർക്ക് ഇതുവരെ രോഗമുക്തിയുണ്ടായിട്ടുണ്ട്.
വ്യാഴാഴ്ച 67,208 പേർക്കാണ് കോവിഡ് സ്ഥിരീകരിച്ചത്. 38,71,67,696 സാമ്പിളുകൾ ഇതുവരെ പരിശോധിച്ചു. കഴിഞ്ഞ 24 മണിക്കൂറിനിടെ 19,29,476 സാമ്പിളുകൾ പരിശോധിച്ചുവെന്നും ഐ.സി.എം.ആർ അറിയിച്ചു. ഏപ്രിൽ-മേയ് മാസങ്ങളിൽ കനത്ത നാശം വിതച്ച കോവിഡ് രണ്ടാം തരംഗം രാജ്യത്ത് നിയന്ത്രണവിധേയമാകുന്നുവെന്നാണ് കേന്ദ്രസർക്കാർ വിലയിരുത്തൽ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.