അംബികാപുർ: കോൺഗ്രസ് പാർട്ടിക്ക് ഗാന്ധി കുടുംബത്തിൽ നിന്നല്ലാത്ത ഒരാളെ അധ്യക്ഷനാക്കാൻ കഴിയുമോയെന്ന് വെല്ലുവിളിക്കുകയാണെന്ന് പ്രധാനമന്ത്രി നരേന്ദ്രമോദി. ‘‘ഗാന്ധി കുടുംബത്തിന് പുറത്തുനിന്നൊരാളെ അഞ്ചു വർഷത്തേക്കെങ്കിലും പാർട്ടി അധ്യക്ഷനാക്കാമോ എന്ന് വെല്ലുവിളിക്കുകയാണ്. അങ്ങനെയാണെങ്കിൽ മാത്രംനെഹ്റു യഥാർഥ ജനാധിപത്യ പാർട്ടിക്കാണ് രൂപം നൽകിയതെന്ന് പറയാൻ കഴിയുമെന്നും’ മോദി പറഞ്ഞു. ഛത്തിസ്ഗഢിലെ അംബികാപൂരിലെ തെരഞ്ഞെടുപ്പ് റാലിയിൽ സംസാരിക്കുകയായിരുന്നു അദ്ദേഹം.
നാലരവര്‍ഷക്കാലമായിട്ടും താന്‍ പ്രധാനമന്ത്രിയാണ് എന്നത് അംഗീകരിക്കാൻ കോണ്‍ഗ്രസിന് കഴിഞ്ഞിട്ടില്ല. താൻ അധികാരമേറ്റ് നാലു വർഷം പിന്നിട്ടിട്ടും കോൺഗ്രസ് ഇപ്പോഴും ഒരു ചായക്കച്ചവടക്കാരന്‍ എങ്ങനെ പ്രധാനമന്ത്രിയാകുമെന്ന് കരഞ്ഞു കൊണ്ടേയിരിക്കുകയാണെന്നും മോദി പറഞ്ഞു.
പ്രതികൂല സാഹചര്യങ്ങൾക്കിടയിലും 70 ശതമാനത്തിലധികം വോട്ട് രേഖപ്പെടുത്തിയ ബസ്തറിെല ജനങ്ങളെ അഭിനന്ദിക്കുന്നു. നവംബർ 20 ന് നടക്കുന്ന രണ്ടാംഘട്ട വോെട്ടടുപ്പിൽ ബസ്തറിനേക്കാൾ വോട്ടിങ് ശതമാനം പ്രതീക്ഷിക്കുന്നുവെന്നും മോദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.