ന്യൂഡൽഹി: യു.എൻ ജനറൽ അസംബ്ലി യോഗത്തിന് മുമ്പ് യു.എസ് പ്രസിഡൻറ് ഡോണൾഡ് ട്രംപും പ്രധാനമന്ത്രി നരേന്ദ്ര മോദിയും തമ്മിൽ ഹൂസ്റ്റണിൽ കൂടിക്കാഴ്ച നടത്തിയേക്കുമെന്ന് റിപ്പോർട്ട്. സെപ്തംബർ 22ന് ഇരുവരുടെയും കൂടിക്കാഴ്ച ഉണ്ടാവുമെന്നാണ് റിപ്പോർട്ട്.
ഹൂസ്റ്റണിൽ മോദിക്ക് രണ്ട് പരിപാടികളാണുള്ളത്. ഹൂസ്റ്റണിലെ ഇന്ത്യൻ സമൂഹം സംഘടിപ്പിക്കുന്ന പരിപാടിയാണ് ഇതിലൊന്ന്. യു.എസിലെ ഊർജ കമ്പനികളുടെ സി.ഇ.ഒമാരുമായുള്ള യോഗമാണ് മറ്റൊന്ന്. ഇതിൽ ഇന്ത്യൻ സമൂഹത്തെ മോദി അഭിസംബോധന ചെയ്യുന്ന പരിപാടിയിൽ ട്രംപിനെ പെങ്കടുപ്പിക്കാനുള്ള ശ്രമങ്ങളാണ് നടക്കുന്നത്.
2014ൽ മോദി ന്യൂയോർക്കിലെ മാഡിസൺ സ്വകയറിൽ ഇന്ത്യൻ സമൂഹത്തെ അഭിസംബോധന ചെയ്തപ്പോൾ യു.എസ് കോൺഗ്രസ് അംഗങ്ങൾ പരിപാടിയിൽ പങ്കെടുത്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.