ന്യൂഡൽഹി: പ്രധാനമന്ത്രി നരേന്ദ്രമോദിയുടെ 71ാം ജന്മദിനത്തിന് ആശംസകൾ അറിയിച്ച് കോൺഗ്രസ് നേതാവ് രാഹുൽ ഗാന്ധി. 'ഹാപ്പി ബർത്ത്ഡേ മോദി ജി' എന്ന ഒറ്റ വരിയിലൂടെ ട്വിറ്ററിലൂടെ ആശംസകൾ അറിയിക്കുകയായിരുന്നു അദ്ദേഹം.
ഡൽഹി മുഖ്യമന്ത്രി അരവിന്ദ് കെജ്രിവാളും മോദിക്ക് ആശംസകൾ അറിയിച്ചു. 'പ്രധാനമന്ത്രി നരേന്ദ്രമോദിക്ക് ജന്മദിനാശംസകൾ. ദീർഘവും ആരോഗ്യകരവുമായ ജീവിതമുണ്ടാകാൻ പ്രാർഥിക്കുന്നു' -കെജ്രിവാൾ ട്വീറ്റ് ചെയ്തു.
പ്രധാനമന്ത്രിക്ക് ആശംസകൾ നേർന്ന് നിരവധി പേർ സമൂഹമാധ്യമങ്ങളിലൂടെ രംഗത്തെത്തി. ഹാപ്പി ബർത്ത്ഡേ മോദിജി എന്ന ഹാഷ്ടാഗിലാണ് ജന്മദിനാശംസകൾ നേരുന്നത്.
മോദിയുടെ ജന്മദിനം മൂന്നാഴ്ച വിവിധ പരിപാടികളോടെ ആശംസിക്കാനാണ് ബി.ജെ.പിയുടെ തീരുമാനം. ജനങ്ങളിൽനിന്ന് 'നന്ദി' പോസ്റ്റ്കാർഡുകൾ ശേഖരിച്ച് മോദിക്ക് അയക്കുക, വാക്സിനേഷൻ ക്യാമ്പുകൾ സംഘടിപ്പിക്കുക, ശുചീകരണയജ്ഞം, പരിസ്ഥിതി കാമ്പയിനുകൾ തുടങ്ങിയവ നടത്താനാണ് ബി.ജെ.പി തീരുമാനം.
അതേസമയം, മോദിയുടെ ജന്മദിനം ദേശീയ തൊഴിലില്ലാ ദിനമായി ആചരിക്കാനാണ് യൂത്ത് കോൺഗ്രസിന്‍റെ തീരുമാനം. ട്വിറ്ററിൽ 'ദേശീയ തൊഴിലില്ലാ ദിനം' ഹാഷ്ടാഗ് ട്രെൻഡിങ്ങിലെത്തുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.