ജലന്ധർ: വ്യക്തികളെയും രാജ്യത്തെയും സംബന്ധിക്കുന്ന സുപ്രധാന വിവരങ്ങൾ പുറത്തു പോകാതിരിക്കാൻ വിവര സംരക്ഷണ നി യമം നടപ്പാക്കാൻ കേന്ദ്ര സർക്കാർ ഒരുങ്ങുന്നതായി കേന്ദ്രമന്ത്രി രവിശങ്കർ പ്രസാദ്. വിദേശ രാജ്യങ്ങൾ ഗൂഗ്ൾ വഴി ഇത്തരം വിവരങ്ങൾ ദുരുപയോഗം ചെയ്യാതിരിക്കാനാണ് നിയമം നടപ്പിലാക്കുന്നതെന്നും അദ്ദേഹം വ്യക്തമാക്കി.
ആരെങ്കിലും ഇത്തരത്തിൽ വിവരങ്ങൾ ദുരുപയോഗം ചെയ്താൽ ശക്തമായ നടപടി സ്വീകരിക്കാൻ സാധിക്കുമെന്നും അേദ്ദഹം പറഞ്ഞു. പഞ്ചാബിലെ ജലന്ധറിൽ നടക്കുന്ന ഇന്ത്യൻ ശാസ്ത്ര കോൺഗ്രസിൽ സംസാരിക്കുകയായിരുന്നു രവിശങ്കർ പ്രസാദ്.
ഗ്ലോബൽ ഇന്നവേറ്റിവ് ഇൻറക്സിൽ ഇന്ത്യയുടെ സ്ഥാനം 2015ൽ 81 ആയിരുന്നത് 2017ൽ 60ലേക്ക് എത്തിയതായും ശാസ്ത്രീയ പ്രസിദ്ധീകരണത്തിൽ ആറാം സ്ഥാനവും പേറ്റൻറ് ഫയലിങ്ങിൽ പത്താം സ്ഥാനവുമാണ് രാജ്യത്തിനെന്നും അദ്ദേഹം അഭിപ്രായപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.