കൊച്ചി: സംസ്ഥാനത്ത് സ്വർണവില വീണ്ടും വർധിച്ചു. പവന് 280 രൂപയാണ് വർധിച്ചത്. ഒരു പവൻ സ്വർണത്തിന്റെ വില 33,720 രൂപയായി ഉയർന്നു. ഒരു ഗ്രാം സ്വർണത്തിന്റെ വില 4215 രൂപയായും ഉയർന്നു.
കഴിഞ്ഞ ദിവസവും സ്വർണവില ഉയർന്നിരുന്നു. 220 രൂപയാണ് കഴിഞ്ഞ ദിവസം വർധിച്ചത്. എം.സി.എക്സ് ഉൾപ്പടെയുള്ള എക്സ്ചേഞ്ചുകളിൽ ഗോൾഡിന്റെ ഫ്യൂച്ചർ വിലകളും ഉയരുകയാണ്. ആഗോളവിപണിയിൽ സ്വർണത്തിന്റെ വില ഔൺസിന് 1731.49 ഡോളറായാണ് ഉയർന്നതും.
കോവിഡും തുടർന്നുണ്ടായ ലോക്ഡൗണും സ്വർണത്തെ സുരക്ഷിത നിക്ഷേപമാക്കിയിരുന്നു. തുടർന്ന് സ്വർണവില റെക്കോർഡുകൾ ഭേദിച്ച് മുന്നേറിയിരുന്നു. എന്നാൽ, കോവിഡിൽ നിന്ന് ലോകരാജ്യങ്ങൾ പുറത്ത് കടക്കുന്നതും യു.എസ് ട്രഷറി ആദായം ഉയർന്നതും ഡോളർ കരുത്താർജിച്ചതും സ്വർണത്തിന് തിരിച്ചടിയായി. എന്നാൽ, കഴിഞ്ഞ ദിവസങ്ങളിൽ യു.എസിലെ ട്രഷറി ആദായത്തിൽ നേരിയ ഇടിവ് രേഖപ്പെടുത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.