ന്യുഡൽഹി: ഇന്ത്യയിൽ കോവിഡ് വാക്സിനുകൾക്ക് അടിയന്തര അനുമതി നൽകിയില്ല. സെറം ഇൻസ്റ്റിറ്റ്യൂട്ട്, ഭാരത് ബയോടെക് എന്നിവരാണ് വാക്സിന്‍റെ അനുമതിക്കായി അപേക്ഷ സമർപ്പിച്ചത്. എന്നാൽ, ഇരുവരുടേയും വാക്സിന് കേന്ദ്രസർക്കാർ അംഗീകാരം നൽകിയില്ല.
ഓക്സ്ഫെഡ് യൂനിവേഴ്സിറ്റിയും മരുന്ന് നിർമാതാക്കളായ ആസ്ട്ര സെനേക്കയും ചേർന്ന് വികസിപ്പിച്ച കോവിഷീൽഡ് വാക്സിന്‍റെ ഇന്ത്യയിലെ നിർമാണം നടത്തുന്നത് സെറം ഇൻസ്റ്റിറ്റ്യൂട്ടാണ്. ഭാരത് ബയോടെക് നിർമിക്കുന്ന കോവാക്സിനും അടിയന്തര അനുമതിക്കായി അപേക്ഷ സമർപ്പിച്ചിരുന്നു. എന്നാൽ, വാക്സിനുകൾ സംബന്ധിച്ച് കൂടുതൽ വിവരങ്ങൾ ആവശ്യമാണെന്ന് വിദഗ്ധ സമിതി വ്യക്തമാക്കി.
ഓക്സ്ഫെഡ് യൂനിവേഴ്സിറ്റിയുടെ കോവിഡ് വാക്സിന് യു.കെ അംഗീകാരം നൽകിയിരുന്നു. യു.കെയാണ് വാക്സിന് അംഗീകാരം നൽകിയ ആദ്യ രാജ്യം. സാധാരണ റഫ്രിജറേറ്ററുകളിൽ സൂക്ഷിക്കാമെന്നതിനാൽ ഓക്സ്ഫെഡ് വാക്സിന് ഫൈസർ, മൊഡേണ വാക്സിനുമായി താരതമ്യം ചെയ്യുേമ്പാൾ വില കുറവായിരിക്കുമെന്നാണ് റിപ്പോർട്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.