ഗുജറാത്ത്,ഹിമാചൽ പ്രദേശ് സംസ്ഥാനങ്ങളിലെ നിയമസഭ തിരഞ്ഞെടുപ്പ് പ്രഖ്യാപനം ഇന്ന്

ഡൽഹി: ഗുജറാത്ത്,ഹിമാചൽ പ്രദേശ് സംസ്ഥാനങ്ങളിലെ നിയമസഭാ തിരഞ്ഞെടുപ്പ് തീയതി ഇന്ന് പ്രഖ്യാപിക്കുമെന്ന് തെരഞ്ഞെടുപ്പ് കമ്മീഷൻ അറിയിച്ചു.വൈകീട്ട് മൂന്നിനാണ് പ്രഖ്യാപനം.

തിരഞ്ഞെടുപ്പ് തയ്യാറെടുപ്പുകൾ അവലോകനം ചെയ്യുന്നതിനായി മുഖ്യ തിരഞ്ഞെടുപ്പ് കമ്മീഷണർ രാജീവ് കുമാറിന്റെ നേതൃത്വത്തിലുള്ള ഉന്നതതല സംഘം അടുത്തിടെ ഹിമാചൽ പ്രദേശും ഗുജറാത്തും സന്ദർശിച്ചിരുന്നു.

ഉത്തർപ്രദേശ്, പഞ്ചാബ്, ഗോവ, ഉത്തരാഖണ്ഡ്, മണിപ്പൂർ സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഈ വർഷം നടന്നിരുന്നു.രാഷ്ട്രീയ പാർട്ടികൾ ശക്തമായ പ്രചാരണമാണ് സംസ്ഥാനങ്ങളിൽ ആരംഭിച്ചിട്ടുള്ളത്.