Posted On
date_range Updated On
date_range ജമ്മു കശ്മീരിൽ ഏഴു പേർക്ക് കൂടി കോവിഡ്
ശ്രീനഗർ: ജമ്മു കശ്മീരിൽ ഏഴു പേർക്ക് കൂടി കോവിഡ്-19 വൈറസ് ബാധ സ്ഥിരീകരിച്ചു. ഇതോടെ വൈറസ് ബാധ സ്ഥിരീകരിച്ചവരുടെ എണ്ണം 27 ആയി.
ആറു പേർ ശ്രീനഗർ ജില്ലയിലും രണ്ടു പേർ രജൗറി ജില്ലയിലും ഉള്ളവരാണ്. ആദ്യമായാണ് ഇത്രയും പേർക്ക് ഒരു ദിവസം രോഗം സ്ഥിരീകരിക്കുന്നത്.
മതചടങ്ങിൽ പങ്കെടുത്ത മൂന്നു പേർക്കും സംസ്ഥാനത്തിന് പുറത്ത് യാത്ര ചെയ്ത നാലു പേർക്കുമാണ് രോഗം കണ്ടെത്തിയതെന്ന് സർക്കാർ വക്താവ് രോഹിത് കൻസാൽ അറിയിച്ചു.
മതചടങ്ങിൽ പങ്കെടുത്ത രണ്ട് പേർക്ക് രോഗം സ്ഥിരീകരിച്ച സാഹചര്യത്തിൽ രജൗറി ജില്ലയിലെ അഞ്ച് ഗ്രാമങ്ങളിൽ ചുവപ്പ് ജാഗ്രതാ നിർദേശം ജമ്മു കശ്മീർ സർക്കാർ പുറപ്പെടുവിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.