മുംബൈ: മഹാരാഷ്ട്രയിലെ കോൺഗ്രസ് നേതാവിനെ അജ്ഞാത അക്രമി സംഘം വെടിവെച്ച് കൊലപ്പെടുത്തി. പ്രാദേശിക കോൺഗ്രസ് നേതാവായ മനോജ് മഹത്രയാണ് കൊല്ലപ്പെട്ടത്. ചൊവ്വാഴ്ച രാത്രി സ്വവസതിയിലെത്തിയ അദ്ദേഹത്തിനെതിരെ അജ്ഞാതസംഘം വെടയുതിർക്കുകയായിരുന്നു. വെടിവെച്ചതിന് ശേഷം മാരാകായുധങ്ങൾ ഉപയോഗിച്ച് കൊലപ്പെടുത്തുകയായിരുന്നു. കൊലപാതകികളുടെ ദൃശ്യങ്ങൾ സമീപത്തെ സെക്യൂരിറ്റി സി.സി.ടി.വി കാമറയിൽ പതിഞ്ഞിട്ടുണ്ട്.
ഭിവാൻഡി–നിസാംപൂർ മുൻസിപ്പൽ കോർപ്പറേഷനിലെ കോൺഗ്രസ് നേതാവാണ്മനോജ് മഹത്ര. മുൻസിപ്പൽ തെരഞ്ഞെടുപ്പ് നടക്കാനിരിക്കെയാണ് കൊലപാതകം നടന്നത്. കൊലപാതകത്തിന് ശേഷം നമ്പർ പ്ലേറ്റില്ലാത്ത വാഹനത്തിൽ കൊലയാളികൾ രക്ഷപ്പെടുകയായിരുന്നു. കൊലപാതകത്തെ കുറിച്ച് വിശദമായ അന്വേഷണം നടന്ന് വരികയാണെന്ന് പൊലീസ് പ്രതികരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.