ന്യൂഡൽഹി: കനത്ത ശൈത്യത്തെ തുടർന്ന് വടക്കേന്ത്യയിൽ റെയിൽ, റോഡ്, വ്യോമ ഗതാഗതം തടസപ്പെട്ടു. രാജ്യ തലസ്ഥാനമായ ഡൽഹിയുടെ വിവിധ ഭാഗങ്ങളെയാണ് ശൈത്യം പ്രതികൂലമായി ബാധിച്ചത്. ഡൽഹിയിൽ 22 ട്രെയിൻ സർവീസുകൾ റദ്ദാക്കി. ഡൽഹിയിൽ എത്തിച്ചേരേണ്ട 30 ട്രെയിനുകൾ വൈകുമെന്നും റെയിൽവേ അറിയിച്ചു.
കാഴ്ചപരിധി 100 മീറ്റർ താഴെ ആയതിനാൽ ഇന്ദിര ഗാന്ധി വിമാനത്താവളത്തിൽ നിന്നുള്ള സർവീസുകൾ വൈകുന്ന സ്ഥിതിയാണുള്ളത്. കനത്ത ശൈത്യത്തിൽ ഉത്തർപ്രദേശിൽ ഇതുവരെ 143 പേർക്ക് ജീവൻ നഷ്ടമായി. കാലാവസ്ഥ മോശമായതിനാൽ ബിഹാറിൽ സ്കൂൾക്ക് ശനിയാഴ്ച വരെ അവധി നൽകിയിട്ടുണ്ട്.
ജമ്മു കശ്മീരിലെ വിവിധ സ്ഥലങ്ങളിൽ ഉൗഷ്മാവ് പൂജ്യത്തിനും താഴെയാണ്. ശ്രീനഗറിലെ ദാൽ തടാകം ഉറഞ്ഞു കിടക്കുകയാണ്. ലേ ആണ് സംസ്ഥാനത്തെ ഏറ്റവും കൂടുതൽ തണപ്പുള്ള രണ്ടാമത്തെ പട്ടണം. 17.4 ഡിഗ്രി സെൽഷ്യസാണ് ഇവിടുത്തെ താപനില.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.