ഇംഫാൽ: സംഘർഷം തുടരുന്നതിനിടെ ഡൽഹി വനിത കമീഷൻ അധ്യക്ഷ സ്വാതി മലിവാൾ മണിപ്പൂർ സന്ദർശനത്തിനെത്തി. സന്ദർശനത്തിൽ രാഷ്ട്രീയമില്ലെന്നും ജനങ്ങളെ സഹായിക്കാനാണ് എത്തിയതെന്നും അവർ ഇംഫാൽ വിമാനത്താവളത്തിൽ മാധ്യമങ്ങളോട് പറഞ്ഞു.
പ്രധാനമന്ത്രിയോടും വനിത- ശിശുക്ഷേമ മന്ത്രി സ്മൃതി ഇറാനിയോടും മണിപ്പൂർ സന്ദർശനം ആവശ്യപ്പെടും. അക്രമങ്ങൾ മൂലം പൊറുതിമുട്ടിയെന്ന് സ്ത്രീകൾ തന്നോട് പറഞ്ഞു. മണിപ്പൂർ മുഖ്യമന്ത്രിയുമായി കൂടിക്കാഴ്ച നടത്തും. അതിക്രമത്തിനിരയായവരെ സന്ദർശിക്കാൻ തന്നോടൊപ്പം വരാൻ ആവശ്യപ്പെടുമെന്നും അവർ കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.