ന്യൂഡൽഹി: ഉത്തർപ്രദേശിലും ചാനലുകളുടെ ടി.ആർ.പി തട്ടിപ്പുമായി ബന്ധപ്പെട്ട് കേസ്. യു.പി പൊലീസാണ് തട്ടിപ്പിൽ ആദ്യം കേസെടുത്തത്. ഇതിന് പിന്നാലെ സർക്കാർ സി.ബി.ഐ അന്വേഷണത്തിന് ശിപാർശ ചെയ്യുകയായിരുന്നു.
യു.പി സർക്കാറിെൻറ ശിപാർശ ലഭിച്ച് 24 മണിക്കൂറിനകം കേന്ദ്രസർക്കാർ സി.ബി.ഐ അന്വേഷണത്തിന് ഉത്തരവിട്ടു. ഗോൾഡൻ റാബിറ്റ് കമ്മ്യൂണിക്കേഷൻ എന്ന സ്ഥാപനം നൽകിയ പരാതിയിലാണ് തട്ടിപ്പിൽ കേസെടുത്തിരിക്കുന്നത്. സി.ബി.ഐ കേസിലെ പ്രഥമവിവര റിപ്പോർട്ടും സമർപ്പിച്ചിട്ടുണ്ട്.
നേരത്തെ മഹാരാഷ്ട്ര പൊലീസും ടി.ആർ.പി തട്ടിപ്പിൽ കേസെടുത്തിരുന്നു. റിപബ്ലിക് ടി.വി ഉൾപ്പടെ മൂന്ന് ചാനലുകൾ തട്ടിപ്പ് നടത്തിയെന്ന് ആരോപിച്ചായിരുന്നു കേസ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.