മുംബൈ: എഴുത്തുകാരനും ഗാനരചയിതാവുമായ ജാവേത് അക്തർ നൽകിയ മാനനഷ്ട കേസിൽ ബോളിവുഡ് നടി കങ്കണ റണാവത്തിന് ജാമ്യം. മുംബൈയിലെ കോടതിയാണ് ജാമ്യം അനുവദിച്ചത്. കോടതിയിൽ നേരിട്ട് ഹാജരായി തനിക്കെതിരായ വാറന്‍റ് റദ്ദാക്കണമെന്ന് കങ്കണ ആവശ്യപ്പെട്ടിരുന്നു. ഇത് കൂടാതെ ജാമ്യാപേക്ഷയും സമർപ്പിച്ചിരുന്നു.
ഒരു അഭിമുഖത്തിൽ കങ്കണ നടത്തിയ പരാമർശങ്ങൾക്കെതിരായാണ് ജാവേദ് അക്തർ മാനനഷ്ട കേസ് നൽകിയത്. 2016ൽ അക്തറുമായി നടത്തിയ കൂടിക്കാഴ്ചയെ കുറിച്ചായിരുന്നു കങ്കണയുടെ അഭിമുഖത്തിലെ പരാമർശം. അനാവശ്യമായി തന്‍റെ പേര് കങ്കണ പല സംഭവങ്ങളുമായി ബന്ധപ്പെട്ട് പറഞ്ഞുവെന്നാണ് ജാവേദ് അക്തറിന്‍റെ പ്രധാന ആരോപണം.
നേരത്തെ തനിക്കെതിരായ കേസ് മുംബൈയിൽ നിന്ന് ഷിംലയിലേക്ക് മാറ്റണമെന്ന് ആവശ്യപ്പെട്ട് കങ്കണയുടെ സഹോദരി രംഗോലി സുപ്രീംകോടതിയെ സമീപിച്ചിരുന്നു. മുംബൈയിൽ കേസിന്‍റെ വിചാരണ നടന്നാൽ ശിവസേന വ്യക്തിവൈരാഗ്യം തീർക്കുമെന്നായിരുന്നു കങ്കണയുടെ സഹോദരിയുടെ ആരോപണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.