കശ്മീർ: ജമ്മു കശ്മീരിൽ ഉണ്ടായ ഇരട്ട സ്ഫോടനത്തിൽ ആറ് പേർക്ക് പരിക്കേറ്റു. ജമ്മുവിലെ നർവൽ മേഖലയിൽ ഇന്ന് രാവിലെയാണ് സ്ഫോടനമുണ്ടായത്. രാഹുൽ ഗാന്ധിയുടെ ഭാരത് ജോഡോ യാത്രയുടെ സുരക്ഷ സംബന്ധിച്ച് ആശങ്ക ഉണർത്തുന്നതാണ് സംഭവമെന്ന് പൊലീസ് പറഞ്ഞു.
യാത്രയുടെ പശ്ചാത്തലത്തിൽ ജമ്മുവിൽ ശക്തമായ സുരക്ഷ ഏർപ്പെടുത്തിയിരിക്കുന്നതിനിടയിലാണ് സ്ഫോടനം നടന്നത്. ജമ്മുവിൽ നിന്ന് 60 കിലോമീറ്റർ അകലെ ചദ്‍വാലിലാണ് ഭാരത് ജോഡോ യാത്രയുള്ളത്.
സ്ഫോടനം സംബന്ധിച്ച് അന്വേഷണം നടക്കുകയാണെന്ന് പൊലീസ് പറഞ്ഞു. ഫോറൻസിക് വിദഗ്ധർ സ്ഥലത്തുണ്ട്. സുരക്ഷാ ജീവനക്കാരും പൊലീസും പരിശോധന ശക്തമാകികയിട്ടുണ്ട്. പരിക്കേറ്റവരെ ആശുപത്രിയിൽ പ്രവേശിപ്പിച്ചിരിക്കുകയാണ്. ഒരാൾ ഗുരുതരാവസ്ഥയിലാണെന്നും പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.