ന്യൂഡല്‍ഹി: രാജസ്ഥാനില്‍ പരിശീലന പറക്കലിനിടെ വ്യോമസേനയുടെ മിഗ്-21 വിമാനം തകര്‍ന്നുവീണു. ബാര്‍മറിനു സമീപം ഉച്ചതിരിഞ്ഞായിരുന്നു അപകടം. വിമാനത്തിലുണ്ടായിരുന്ന രണ്ടു പൈലറ്റുമാരും രക്ഷപെട്ടു.
ബാര്‍മറിലെ ഉത്തര്‍ലായ് വ്യോമസേനാത്താവളത്തില്‍ ഇറങ്ങുന്നതിനു തൊട്ടുമുമ്പായിരുന്നു അപകടം. നഗരത്തില്‍ നിന്നും 20 കിലോമീറ്റര്‍ അകലെ മാലിയോ കി ധനി എന്ന വയല്‍ പ്രദേശത്താണ് വിമാനം തകര്‍ന്നുവീണത്. വിമാനം താഴെ പതിക്കുന്നതിനു മുമ്പ് പുറത്തേക്കു ചാടി രക്ഷപ്പെടുകയായിരുന്നുവെന്ന് പൈലറ്റുമാര്‍ അറിയിച്ചു. സംഭവത്തില്‍ വ്യോമസേന അന്വേഷണത്തിന് ഉത്തരവിട്ടിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.