ബംഗളുരു: ബംഗളുരുവിലെ കബൻ പാർക്കിലെ ടെന്നിസ് ക്ളബിൽ യുവതി കൂട്ട ബലാൽസംഗത്തിനിരയായതായി പരാതി. സംഭവത്തിൽ രണ്ട് സുരക്ഷാ ജീവനക്കാർ അറസ്റ്റിലായി. നഗരത്തിലെ പ്രശസ്തമായ ടെന്നിസ് ക്ളബിൽ അംഗത്വമെടുക്കാൻ വന്ന യുവതി ആക്രമിക്കപ്പെടുകയായിരുന്നു എന്നാണ് പ്രാഥമിക വിവരം. ബംഗളൂരുവിൽ നിന്ന് 70 കിലോമീറ്റർ അകലെ തുംക്കൂറിൽ നിന്നാണ് 30കാരി എത്തിയത്. പൊലീസ് കേസ് രജിസ്റർ ചെയ്ത് അന്വേഷണമാരംഭിച്ചിട്ടുണ്ട്.
ഐ.ടി നഗരമായ ബംഗളൂരുവിൽ ഒരു മാസത്തിനിടെ റിപ്പോർട്ട് ചെയ്യുന്ന മൂന്നാമത്തെ സംഭവമാണിത്. ഹോസ്കോട്ടയിൽ ഒാടുന്ന ബസിൽ 19കാരിയായ നഴ്സിനെ ഡ്രൈവർ മാനഭംഗപ്പെടുത്തിയിരുന്നു. കഴിഞ്ഞ മാസം 22കാരിയായ കേന്ദ്രസർക്കാർ ഉദ്യോഗസ്ഥയെ രണ്ടംഗസംഘം കൂട്ട ബലാത്സംഗം ചെയ്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.