ന്യൂഡല്ഹി: എട്ട് ഹൈകോടതികളില് ചീഫ് ജസ്റ്റിസുമാരെ നിയമിക്കാന് സുപ്രീംകോടതി കൊളീജിയം നടപടി തുടങ്ങുന്നു. ആന്ധ്രപ്രദേശ്, കര്ണാടക, ബോംബെ, ഗുവഹാത്തി, പട്ന, പഞ്ചാബ്, രാജസ്ഥാന് ഹൈകോടതികളില് ചീഫ് ജസ്റ്റിസുമാരെ കണ്ടത്തൊന് ദിവസങ്ങള്ക്കുള്ളില് കൊളീജിയം യോഗംചേരും.ദേശീയ ജുഡീഷ്യല് നിയമന കമീഷന് ഭരണഘടനാ വിരുദ്ധമാണെന്ന് ഒക്ടോബര് 16നാണ് സുപ്രീംകോടതി പ്രഖ്യാപിച്ചത്. ഇതോടെയാണ് കൊളീജിയം വീണ്ടും ജഡ്ജിമാരുടെ നിയമനത്തിന് ഒരുങ്ങുന്നത്.
ഏപ്രില് 13നാണ് കേന്ദ്ര സര്ക്കാര് ഭരണഘടനാ ഭേദഗതിയിലൂടെ ജുഡീഷ്യല് നിയമന കമീഷന് രൂപവത്കരിച്ചത്. എന്നാല്, ഇതിനുശേഷം സുപ്രീംകോടതിയിലോ 24 ഹൈകോടതികളിലോ ജഡ്ജിമാരെ നിയമിച്ചിരുന്നില്ല. ജുഡീഷ്യല് നിയമന കമീഷന്െറ ഭാഗമാകാനാവില്ളെന്ന് സുപ്രീംകോടതി ചീഫ് ജസ്റ്റിസ് എച്ച്.എല്. ദത്തു പറഞ്ഞതോടെയാണ് ജഡ്ജിമാരുടെ നിയമനം തടസ്സപ്പെട്ടത്. ജുഡീഷ്യല് കമീഷനെതിരെയുള്ള ഹരജികള് പരിഗണിക്കുന്നതിനാലാണ് ചീഫ് ജസ്റ്റിസ് ഇതില് നിന്ന് വിട്ടുനിന്നത്. ചീഫ് ജസ്റ്റിസുമാരില്ലാത്ത ഹൈകോടതികളില് ആക്ടിങ് ചീഫ് ജസ്റ്റിസുമാര്ക്കാണ് ചുമതല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.