മഹാരാഷ്ട്രയിൽ പൊലീസുമായുള്ള ഏറ്റുമുട്ടലിൽ 12 നക്സലൈറ്റുകൾ കൊല്ലപ്പെട്ടു

മുംബൈ: ഛത്തീസ്ഗഢ് അതിർത്തിക്കടുത്തുള്ള മഹാരാഷ്ട്രയിലെ ഗഡ്ചിറോളി ജില്ലയിൽ ബുധനാഴ്ച പൊലീസുമായുള്ള ഏറ്റുമുട്ടലിൽ 12 നക്സലൈറ്റുകൾ കൊല്ലപ്പെട്ടു. രണ്ട് സുരക്ഷാ ഉദ്യോഗസ്ഥർക്ക് പരിക്കേറ്റതായി അധികൃതർ അറിയിച്ചു. സംഭവസ്ഥലത്ത് നിന്ന് ആയുധങ്ങൾ കണ്ടെടുത്തിട്ടുണ്ട്.

വണ്ടോലി ഗ്രാമത്തിൽ സി60 കമാൻഡോകളും നക്സലൈറ്റുകളും തമ്മിൽ ഉച്ചകഴിഞ്ഞ് കനത്ത വെടിവെപ്പുണ്ടായെന്നും ആറ് മണിക്കൂർ നീണ്ടുനിന്നെന്നും ഗഡ്ചിറോളി പൊലീസ് സൂപ്രണ്ട് പറഞ്ഞു.

കൊല്ലപ്പെട്ടവരിൽ ഒരാൾ തിപ്പഗഡ് ദളത്തിന്‍റെ ചുമതലയുള്ള ഡി.വി.സി.എം ലക്ഷ്മൺ അത്രം എന്ന വിശാൽ അത്രം ആണെന്ന് തിരിച്ചറിഞ്ഞിട്ടുണ്ട്. പ്രദേശത്ത് തിരച്ചിൽ തുടരുകയാണ്.