ഫെരാരിയുടെ അതിവേഗ കാർ 812 സൂപ്പർഫാസ്റ്റ് ഇന്ത്യയിൽ അവതരിപ്പിച്ചു. 5.20 കോടിയാണ് കാറിെൻറ വിപണി വില. ബെർലിനെറ്റക്ക് പകരക്കാരനായാവും 812 ഇന്ത്യൻ വിപണിയിലേക്ക് എത്തുക. V12 എൻജിനിെൻറ കരുത്തിലാണ് കാറിെൻറ അരങ്ങേറ്റം.
ബെർലിനെറ്റയുമായി താരതമ്യം ചെയ്യുേമ്പാൾ കൂടുതൽ പരുക്കനാണ് 812 സൂപ്പർഫാസ്റ്റ്. നീളമേറിയ ബോണറ്റും ചെറിയ ബൂട്ടുമാണ് 812 സൂപ്പർഫാസ്റ്റിന്. ഷാർപ്പായ ഹെഡ്ലൈറ്റാണ്. ലളിതമായ ഡിസൈനാണ് ഗ്രില്ലിന് നൽകിയിരിക്കുന്നത്. ഫൈറ്റർ ജെറ്റിൽ നിന്ന് പ്രചോദനം ഉൾക്കൊള്ളുന്ന ടെയിൽ പൈപ്പാണ് പിൻവശത്തെ പ്രധാന പ്രത്യേകത.
6.5 ലിറ്റർ v12 എൻജിനാണ് ഫെരാരി സൂപ്പർഫാസ്റ്റ് 812െൻറ ഹൃദയം. 789 ബി.എച്ച്.പി കരുത്തും 718 എൻ.എം ടോർക്കും എൻജിൻ നൽകും. ഡ്യൂവൽ ക്ലച്ചോട് കൂടിയ 7 സ്പീഡ് ട്രാൻസ്മിഷനാണ് കാറിന്. 0-100 കിലോ മീറ്റർ വേഗത കൈവരിക്കാൻ 2.9 സെക്കൻഡ് മതിയാകും. മണിക്കൂറിൽ 340 കിലോ മീറ്ററാണ് പരമാവധി വേഗത.
സൈഡ് സ്ലിപ് കംട്രോൾ ഉൾപ്പടെയുള്ള സംവിധാനങ്ങൾ കാറിൽ ഫെരാരി ഉൾപ്പെടുത്തിയിട്ടുണ്ട്. കോർണറുകളിൽ കുടുതൽ മികച്ച നിയന്ത്രണം വാഹനത്തിന് നൽകാൻ ഇത് സഹായിക്കും. ചുവപ്പ്, നീല, സിൽവർ നിറങ്ങളിൽ കാർ വിപണിയിലെത്തും. ആസ്റ്റൺ മാർട്ടിൻ ഡി.ബി11, ബെൻറലി കോണ്ടിനെൻറൽ ജി.ടി, ലംബോർഗിനി അവൻറടേഡർ എസ് എന്നിവക്കാവും ഫെരാരിയുടെ സൂപ്പർകാർ വെല്ലുവിളി ഉയർത്തുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.