നിങ്ങൾ ജീവിതകാലം മുഴുവൻ കാർ ഡോർ തുറന്നത്​ തെറ്റായിട്ടാണ്​; 'ഡച്ച്​ റീച്ച്'​ ശീലിക്കൂ, അതാണ്​ ശരിയായ മാർഗം

ശ്രദ്ധിക്കാത്തതിനാലോ അറിയാത്തതുകാരണമോ നാം ജീവിതത്തിലുടനീളം പിന്തുടരുന്ന തെറ്റായ ശീലങ്ങളുണ്ട്​. അങ്ങിനെ ഒന്നാണ്​ കാർ ഡോർ തുറക്കുന്നത്​. അതെ വായിച്ചത്​ ശരിയാണ്​, കാറി​െൻറ ഡോർ തുറക്കുന്നതിനെകുറിച്ചാണ്​ പറഞ്ഞത്​. അതിനും ഒരു ശരിയായ മാർഗമുണ്ട്​. ശരി എന്നതിനേക്കാൾ സുരക്ഷിമായ മാർഗം എന്നാണ്​ പറയേണ്ടത്​. ഡച്ച്​ റീച്ച്​ എന്നാണ്​ ഇൗ ശരിയായ കാർ ഡോർ തുറക്കൽ രീതിക്ക്​ പറയുന്നത്​. ഇങ്ങിനെ ഡോർ തുറന്നാൽ മറ്റൊരു വാഹനത്തിൽ ഡോർ തട്ടുന്നത്​ പരമാവധി ഒഴിവാക്കാം.

പലപ്പോഴും ഡോർ തുറക്കു​േമ്പാൾ നമ്മുക്ക്​ സംഭവിക്കുന്ന പിഴവാണ്​ റോഡിലുടെ വരുന്ന ആളുകളേയോ ബൈക്കിനേയോ അതല്ല മറ്റ്​ കാറുകളെതന്നെയോ തട്ടാനുള്ള സാധ്യത. ഇങ്ങിനെ വലിയ അപകടങ്ങൾ സംഭവിക്കാറുമുണ്ട്​. ഡച്ച്​ റീച്ച് രീതിയിൽ ഡോർ തുറന്നാൽ നമ്മുക്ക്​ റോഡിലേക്കുള്ള കാഴ്​ച്ച മികച്ച രീതിയിൽ ലഭിക്കും. ഒപ്പം റിയർവ്യൂ മിറർ നന്നായി കാണാനും മറ്റ്​ വാഹനങ്ങളോ മനുഷ്യരോ വരുന്നുണ്ടേ എന്നറിയാനും സാധിക്കും.

എന്താണീ ഡച്ച്​ റീച്ച്​

ലളിമാണ്​ ഡച്ച്​ റീച്ച്​. സാധാരണ നമ്മൾ വാഹനത്തി​െൻറ ഡോർ തുറക്കു​േമ്പാൾ ഏത്​ സൈഡിലാണോ ഇരിക്കുന്നത്​ ആ വശത്തെ കൈകൾ ഉപയോഗിച്ചാവും ഡോർ തുറക്കുന്നത്​. ഉദാഹരണത്തിന്​ ഇന്ത്യൻ വാഹനങ്ങളുടെ ഡ്രൈവിങ്​ സീറ്റിൽ ഇരിക്കുന്ന ഒരാളുടെ വലതുവശത്തായിരിക്കും ഡോർ വരിക. നാം എപ്പോഴും ഡോർ തുറക്കുന്നത്​ വലതുകൈകൊണ്ടായിരിക്കും. മുന്നിലെ പാസഞ്ചർ സീറ്റിൽ ഇരിക്കുന്ന ആൾ ത​െൻറ ഇടതുവശത്ത്​ ഡോർ വരുന്നതിനാൽ ഇടതുകൈകൊണ്ടായിരിക്കും ഡോർ തുറക്കുക. ഇൗ ശീലത്തെ ഒന്ന്​ മാറ്റിപ്പിടിച്ചാൽ ഡച്ച്​ റീച്ച്​ ആകും. നിങ്ങൾ ഡ്രൈവർ സീറ്റിലാണ്​ ഇരിക്കുന്നതെങ്കിൽ ഡോർ തുറക്കേണ്ടത്​ ഇടതുകൈ ഉപയോഗിച്ചാണ്​. അപ്പോൾ നിങ്ങളുടെ ശരീരം പുർണമായി തിരിഞ്ഞുവരികവും റോഡും റിയർവ്യൂ മിററും നന്നായി കാണാൻ സാധിക്കുകയും ചെയ്യും. എല്ലാ യാത്രക്കാരും ഇത്​ ശീലിക്കുന്നതും നല്ലതാണ്​.

പേര്​ വന്ന വഴി

നെതർലൻഡ്​സി​െൻറ തലസ്ഥാനമായ ആംസ്റ്റർഡാമിൽ സൈക്കിൾ യാത്രക്കാരുടെ സാന്ദ്രത കൂടുതലാണ്. ഒരു കണക്കുപ്രകാരം നഗരത്തിലെ സൈക്കിളുകളുടെ എണ്ണം താമസക്കാരേക്കാൾ കൂടുതലാണ്.ഒരിക്കൽ അവിടെ സൈക്കിൾ സവാരിക്കാർക്ക്​ കാർ ഡോർ തുറക്കു​േമ്പാഴുള്ള അപകടങ്ങൾ വർധിച്ചു. ഇത്തരം അപകടങ്ങളിൽ നിന്ന് സൈക്കിൾ യാത്രക്കാരെ രക്ഷിക്കാൻ ഡച്ചുകാർ വികസിപ്പിച്ച രീതിയാണ്​ ഡച്ച്​ റീച്ച്​. നെതർലാൻഡ്​സിലെ എല്ലാ സ്​കൂളുകളിലും ഡച്ച് റീച്ച് പഠിപ്പിക്കുന്നുണ്ട്​. വലിയ അപകടങ്ങളിൽ നിന്ന് നിരവധി ആളുകളെ രക്ഷിക്കാൻ കഴിയുന്ന ലളിതമായ ഒരു സാങ്കേതികതയാണിത്.