ഇ​തൊ​ന്നും ക​ഴി​ക്കാ​തെ രക്ഷപ്പെട്ടത് ഭാ​ഗ്യം!

കൊ​ച്ചി: സം​സ്ഥാ​ന​ത്തെ ഭ​ക്ഷ​ണ​ശാ​ല​ക​ളി​ലും ബേ​ക്ക​റി​ക​ളി​ലും മ​റ്റ്​ ഭ​ക്ഷ​ണ വി​ത​ര​ണ സ്ഥാ​പ​ന​ങ്ങ​ളി​ലും ഭ​ക്ഷ്യ​സു​ര​ക്ഷാ വ​കു​പ്പ്​ ഉ​ദ്യോ​ഗ​സ്ഥ​ർ ന​ട​ത്തി​യ പ​രി​ശോ​ധ​ന​യി​ൽ ക​ണ്ടെ​ത്തി​യ​ത്​ വ്യാ​പ​ക നി​യ​മ​ലം​ഘ​നം. വ്യ​ക്​​തി​ശു​ചി​ത്വ​വും പ​രി​സ​ര ശു​ചി​ത്വ​വും പാ​ലി​ക്കാ​തി​രി​ക്കു​ക, വൃ​ത്തി​ഹീ​ന​മാ​യ സാ​ഹ​ച​ര്യ​ങ്ങ​ളി​ൽ ഭ​ക്ഷ​ണം ത​യാ​റാ​ക്കു​ക​യും വി​ള​മ്പു​ക​യും ചെ​യ്യു​ക, ലൈ​സ​ൻ​സി​ങ്​ വ്യ​വ​സ്ഥ​ക​ൾ പാ​ലി​ക്കാ​തി​രി​ക്കു​ക, വെ​ള്ള​ത്തി​ന്‍റെ ഗു​ണ​നി​ല​വാ​ര​മി​ല്ലാ​യ്മ തു​ട​ങ്ങി​യ​വ​യാ​ണ്​ ഭ​ക്ഷ​ണ​ശാ​ല​ക​ളി​ലെ പ്ര​ധാ​ന നി​യ​മ​ലം​ഘ​ന​ങ്ങ​ൾ.

-2024 ജ​നു​വ​രി മു​ത​ൽ ക​ഴി​ഞ്ഞ ഫെ​ബ്രു​വ​രി അ​വ​സാ​നം വ​രെ ന​ട​ത്തി​യ 1,20,980 പ​രി​ശോ​ധ​ന​ക​ളി​ലാ​യി നി​യ​ലം​ഘ​നം ക​ണ്ടെ​ത്തി​യ 6,135 സ്ഥാ​പ​ന​ങ്ങ​ൾ​ക്കെ​തി​രെ ന​ട​പ​ടി​യെ​ടു​ത്തു. 3,64,93,955 രൂ​പ പി​ഴ ഈ​ടാ​ക്കി.

ന​ശി​പ്പി​ച്ച​ത്​ 2409 കി​ലോ മ​ത്സ്യം

പ​രി​ശോ​ധ​ന​യി​ൽ ക​ണ്ടെ​ടു​ത്ത്​ ന​ശി​പ്പി​ച്ച 2806 കി​ലോ​ഗ്രാം ഭ​ക്ഷ്യ​വ​സ്തു​വി​ൽ 2409 കി​ലോ​യും മ​ത്സ്യ​മാ​ണ്. തേ​യി​ല 203.6 കി​ലോ, നെ​യ്യ്​ 93.5 കി​ലോ, നി​റം ചേ​ർ​ത്ത മ​ധു​ര​പ​ല​ഹാ​രം 74 കി​ലോ, ഗ്രീ​ൻ​പീ​സ്​ ആ​റ്​ കി​ലോ, അ​രി 20.75 കി​ലോ, തേ​ൻ 81 ലി​റ്റ​ർ എ​ന്നി​ങ്ങ​നെ​യാ​ണ്​ മ​റ്റു​ള്ള​വ​യു​ടെ ക​ണ​ക്ക്.

തി​രു​വ​ന​ന്ത​പു​രം 50.57 ല​ക്ഷം, എ​റ​ണാ​കു​ളം 52.37 ല​ക്ഷം, പാ​ല​ക്കാ​ട്​ 15.83 ല​ക്ഷം, തൃ​ശൂ​ർ 23.58 ല​ക്ഷം, ക​ണ്ണൂ​ർ 38.77 ല​ക്ഷം, കോ​ട്ട​യം 25.64 ല​ക്ഷം, പ​ത്ത​നം​തി​ട്ട 17.60 ല​ക്ഷം, വ​യ​നാ​ട്​ 10.82 ല​ക്ഷം, ആ​ല​പ്പു​ഴ 22.21 ല​ക്ഷം, കോ​ഴി​ക്കോ​ട്​ 37.97 ല​ക്ഷം, മ​ല​പ്പു​റം 69.55 ല​ക്ഷം എ​ന്നി​ങ്ങ​നെ​യാ​ണ്​ വി​വി​ധ ജി​ല്ല​ക​ളി​ൽ ഈ​ടാ​ക്കി​യ പി​ഴ. ഇ​ടു​ക്കി, കാ​സ​ർ​കോ​ട്, കൊ​ല്ലം ജി​ല്ല​ക​ളു​ടേ​ത്​ ല​ഭ്യ​മാ​യി​ട്ടി​ല്ല.

ത​ല​സ്ഥാ​ന​ത്ത്​ പൂ​ട്ടി​ച്ച​ത്​ 311 സ്ഥാ​പ​ന​ങ്ങ​ൾ

തി​രു​വ​ന​ന്ത​പു​രം ജി​ല്ല​യി​ൽ ഗു​രു​ത​ര നി​യ​മ​ലം​ഘ​നം ക​ണ്ടെ​ത്തി​യ 311 സ്ഥാ​പ​ന​ങ്ങ​ൾ താ​ത്​​കാ​ലി​ക​മാ​യി അ​ട​പ്പി​ക്കു​ക​യും 762 സ്ഥാ​പ​ന​ങ്ങ​ൾ​ക്ക്​ പി​ഴ ചു​മ​ത്തു​ക​യും ചെ​യ്തു. പാ​ല​ക്കാ​ട്ട്​ 648 സ്ഥാ​പ​ന​ങ്ങ​ൾ​ക്ക്​ പി​ഴ ചു​മ​ത്തി. തൃ​ശൂ​രി​ൽ 55 സ്ഥാ​പ​ന​ങ്ങ​ൾ അ​ട​പ്പി​ച്ചു. 931 എ​ണ്ണ​ത്തി​ന്​ പി​ഴ ചു​മ​ത്തി. ക​ണ്ണൂ​രി​ൽ 875ഉം ​വ​യ​നാ​ട്ടി​ൽ 269ഉം ​സ്ഥാ​പ​ന​ങ്ങ​ൾ​ക്ക്​ പി​ഴ​യി​ട്ട​പ്പോ​ൾ മ​ല​പ്പു​റ​ത്ത്​ 1282 സ്ഥാ​പ​ന​ങ്ങ​ൾ​ക്കെ​തി​രെ​യാ​ണ്​ ന​ട​പ​ടി.

ക​ർ​ശ​ന ന​ട​പ​ടി തു​ട​രും

സം​സ്ഥാ​ന​ത്ത്​ 140 ഭ​ക്ഷ്യ സു​ര​ക്ഷാ ഓ​ഫി​സ​ർ​മാ​രാ​ണു​ള്ള​ത്. എ​ന്നാ​ൽ, ഈ ​​മേ​ഖ​ല​യി​ലെ സ്ഥാ​പ​ന​ങ്ങ​ൾ നാ​ല​ര ല​ക്ഷ​മാ​ണ്. എ​ങ്കി​ലും നി​യ​മ​ലം​ഘ​നം ​ക​ണ്ടെ​ത്തി​യാ​ൽ നോ​ട്ടീ​സ്​ ന​ൽ​ക​ൽ, ലൈ​സ​ന്‍സ്​ റ​ദ്ദാ​ക്ക​ൽ, സ്ഥാ​പ​നം അ​ട​പ്പി​ക്ക​ൽ തു​ട​ങ്ങി​യ ക​ർ​ശ​ന ന​ട​പ​ടി​ക​ൾ ഉ​ട​ൻ സ്വീ​ക​രി​ക്കാ​റു​ണ്ട്. പ​രി​ശോ​ധ​ന​ക​ൾ മാ​ത്ര​മ​ല്ല, സ്ഥാ​പ​ന ന​ട​ത്തി​പ്പു​കാ​ർ​ക്ക്​ പ​രി​ശീ​ല​ന​വും തൊ​ഴി​ലാ​ളി​ക​ൾ​ക്ക്​ ബോ​ധ​വ​ത്​​ക​ര​ണ​വു​മു​ണ്ട്. കൂ​ടു​ത​ൽ​ ഭ​ക്ഷ്യ​സു​ര​ക്ഷാ ഓ​ഫി​സ​ർ​മാ​രു​ടെ നി​യ​മ​നം ഈ ​വ​ർ​ഷം ഉ​ണ്ടാ​കും.

അ​ഫ്​​സാ​ന പ​ർ​വീ​ൺ  (സം​സ്ഥാ​ന ഭ​ക്ഷ്യ സു​ര​ക്ഷാ ക​മീ​ഷ​ണ​ർ)