പ്രായമാകുന്നതിന്റെ ലക്ഷണമായി മാത്രം കണ്ടിരുന്ന മുടി നരയ്ക്കൽ ഇന്ന് കൗമാരക്കാരിലും യുവതയിലും വ്യാപകമായി കണ്ടുവരുന്നുണ്ട്. യുവാക്കൾക്കിടയിൽ അകാലനര സാധാരണയായി മാറിയെങ്കിലും ഇതിനുപിന്നിൽ ഗൗരവതരമായ ശാരീരിക കാരണങ്ങളുണ്ടെന്ന് പഠനങ്ങൾ വെളിപ്പെടുത്തുന്നു. ഇന്ത്യൻ ജേർണൽ ഓഫ് അപ്ലൈഡ് റിസർച്ച് 2019ൽ സ്കൂൾ കുട്ടികൾക്കിടയിൽ നടത്തിയ സർവേ പ്രകാരം 10.6 ശതമാനം കുട്ടികളിലും അകാലനര കണ്ടെത്തിയിട്ടുണ്ട്. ഇത് കേവലം ഒരു സൗന്ദര്യ പ്രശ്നമല്ലെന്നും ശരീരത്തിലുണ്ടാകുന്ന ആന്തരിക മാറ്റങ്ങളുടെ സൂചനയാണെന്നും വിദഗ്ധർ ചൂണ്ടിക്കാട്ടുന്നുണ്ട്. അകാലനര ബാധിക്കുന്നതിൽ ജനിതക കാരണങ്ങൾ മുതൽ മാനസിക സമ്മർദങ്ങൾ വരെയുണ്ട്. 'ദി ക്വിന്റ്' പുറത്തുവിട്ട റിപ്പോർട്ടിൽ പറയുന്ന കാരണങ്ങൾ താഴെ നൽകുന്നവയാണ്:
നരച്ച മുടി പഴയപടിയാക്കുക എന്നതിലുപരി, നരയ്ക്കാനുള്ള കൃത്യമായ കാരണം കണ്ടെത്തി ചികിത്സിക്കുക എന്നതാണ് വൈദ്യശാസ്ത്രത്തിലെ പോംവഴി. ഹെയർ സെറം, തെറാപ്പികൾ, സപ്ലിമെന്റുകൾ എന്നിവ ഡോക്ടർമാർ നിർദേശിക്കാറുണ്ട്. നിർഭാഗ്യകരമെന്നു പറയട്ടെ..! വീട്ടുവൈദ്യങ്ങൾ അകാലനരയ്ക്ക് ഫലപ്രദമാകില്ലെന്നാണ് ഭൂരിഭാഗം വിദഗ്ധരുടെയും പക്ഷം. എന്നാലും മുടി സംരക്ഷിക്കേണ്ടതിന്റെ പ്രാധാന്യം മുന്നിൽകണ്ട് വൈദ്യലോകം ചില മുൻകരുതലുകൾ നിർദേശിക്കുന്നു.
അകാലനര നേരിട്ടുള്ള ഒരു ആരോഗ്യ ഭീഷണിയല്ലെങ്കിലും, അത് ശരീരത്തിലെ മറ്റ് പോഷകാഹാര കുറവുകളുടെയോ ആരോഗ്യ പ്രശ്നങ്ങളുടെയോ ലക്ഷണമാകാം. അതിനാൽ കൃത്യസമയത്ത് വിദഗ്ധ ഉപദേശം തേടുന്നത് ഉചിതമായിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.